امر بالمعروف، نهي عن المنکر او شکایتونو اورېدلو وزارت په اونۍ کې
د مېرمنو حقونو ته رسېدنه:
د امربالمعروف وزارت محتسبینو په دې اونۍ کې د مېرمنو د حقونو اړوند (۱۰۷) بېلابېلې قضیې حل کړې دي، چې له جملې یې (۵۳) د کورني تاوتریخوالي، (۱۰) د میراث، (۱۳) د غیر شرعي نکاح ګانو،(۸) د ولور، (۱۱) د نفقې ورکړې، (۵) مېرمنو ته د شرعي نکاح زمینه برابرولو او (۷) د طلاق قضیې حل شوې دي.
د قومي دښمنیو حل:
د دې وزارت مسؤولینو په ټولنه کې د قومي او ژبني تعصباتو د مخنیوي او د یووالي روحیې د پياوړې کولو لپاره په ځینو ولایتونو کې (۱۱) لویې دښمنۍ او (۶۴) وړې شخړې حل کړې دي.
د کوډګرو نیول:
دغه راز محتسبینو د ناوړه دودونو د مخنیوي، ټولنیز عدالت د تأمین او د خرافاتو د مخنیوي په موخه په بلخ، کابل، کاپیسا، پروان او فراه ولایتونو کې (۹) کوډګر نیولي او د شرعي پرېکړې په موخه یې، عدلي او قضایي ارګانونو ته ور پېژندلي دي.
له سوداګرو سره ناستې:
محتسبینو په بازارونو کې د سود، احتکار، ترازو کې د کموالي، د تاریخ تېر او بې کیفیته موادو د خرڅلاو د مخنیوي په موخه له سوداګرو او هټۍوالو سره (۱۵۲) اصلاحي ناستې کړې دې.
له ځایي خبکو سره ناسې:
او وروستی خبر دا، چې د امربالمعروف، نهي عن المنکر او شکایتونو اورېدلو وزارت محتسبینو په ټولنه کې د عامه ذهنیت د سمون، معروفاتو اقامې، منکراتو مخنیوي او په دې برخه کې د ناوړه دودونو د مخنیوي په موخه له ځایي خلکو سره نیږدې پنځه سوه اصلاحي ناستې کړې دې.
