ارزګان ولایت کې محتسبینو یوه مېرمن له غیر شرعي نکاح څخه وژغورله
د امربالمعروف، نهی عن المنکر او شکایتونو اورېدلو وزارت اړوند د ارزګان ولایت محتسبینو د مېرمنو حقونو ته په ژمنیتا او په دې برخه کې د ناوړه پېښو د مخنیوي په موخه یوه مېرمن، چې د کورنیو غړو یې غوښتل د زیاتو پیسو او ناوړه دوونو له امله یې د هغې له خوښې پرته په نکاح کړي وژغورله.
یاده مېرمن، چې د ناوړه دودونو او زیاتو پیسو په بدل کې د هغې له خوښې پرته په نکاح ورکول کېدله؛ وروسته له هغه یې مخه ونیول شوه، چې یادې مېرمنې د یاد ولایت اړوند د امربالمعروف ریاست ته د قضیې د حل په موخه عارضه شوه.
د یادولو وړ ده، چې د امر بالمعروف، نهی عنالمنکر او شکایتونو اورېدلو وزارت مسؤلین د مېرمنو د حقونو خوندیتوب خپل لومړیتوب ګني او ډاډ څرګندوي چې هېڅ چا ته به اجازه ورنکړي څو د مېرمنو حقونه تر پښو لاندې کړي.
