پکتیکا ولایت کې محتسبینو څلور مېرمنې له کورني ظلم څخه وژغورلې
د پکتیکا ولایت د امر بالمعروف، نهی عن المنکر او شکایتونو اورېدلو ریاست مسؤلینو د خپلو ورځنیو کړنو پر مهال څلور مېرمنې، چې له اوږدې مودې راهیسې له ناوړه چلند سره مخ وې او له ټولو شرعي حقونو څخه بې برخې وې د محتسبینو په هڅو وژغورل شوې.
د یاد ولایت د امر بالمعروف مسؤلین وایی: یادې مېرمنې چې له اوږدې مودې راهیسې د خاوندانو له لوري ور سره ناوړه چلند کېده او له ټولو شرعي حقونو څخه بې برخې وې د محتسبینو په هڅو له خپلو شرعي حقونو څخه برخمنې شوې.
ورته مهال د یاد ولایت محتسبینو د درې هغو مېرمنو د په زور ودونې مخه نیولې چې د کورنیو غړو یې غوښتل د زیاتو پیسو او ناوړه دودنو پر اساس یې نا خوښه کسانو ته په نکاح ورکړي.
د یادولو وړ ده، چې د امر بالمعروف، نهی عن المنکر او شکایتونو اورېدلو وزارت مسؤلینو په ټول هېواد کې د مېرمنو پر وړاندې د تاوتریخوالي ډکو پېښو مخه نیولې او پر مېرمنو د ناوړه دودیزو دودونو کچه یې د پخوا په پرتله را کمه کړې ده، چې پر اساس یې مېرمنې کولی شي په ازاد ډول د خپلو شرعي حقونو غوښتنه وکړي.
