میدان وردګ کې محتسبینو له دیني عالمانو او قومي مخورو سره د ناوړه دودونو د مخنیوي په موخه ناسته وکړه
د میدان وردګ ولایت د امر بالمعروف ریاست مسؤلینو له دیني عالمانو او قومي مخورو سره په ټولنه کې د ناوړه دودونو د مخنیوي، اسلامي ارزښتونو د ساتنې او د امیر المؤمنین حفظه الله د فرامینو د تطبیق په موخه ناسته و کړه.
ناستې ته په خبرو کې د امر بالمعروف مسؤلینو د علماو رول د ټولنې د اصلاح، د شریعت د تطبیق، او قوانینو د تنفیذ په برخه کې حیاتي وباله او له دیني عالمانو یې وغوښتل، چې په ټولنه کې د ناوړه دودونو د مخنیوي او عامه پوهاوي په برخه کې دې له بېلابېلو لارو د عامه ذهنیت د سمون لپاره کار وکړي.
د هغوی په وینا: د ټولو ګډ مسئولیت دی، چې راتلونکی نسل په نېکو اخلاقو، اسلامي عقیدې او له دیني تګلارې سره سم وروزو او لازمه ده، چې د اسلامي مسئولیت له مخې دې خلک د بدو دودونو د مخنیوي لپاره هڅې وکړي.
دغه راز ناستې ته دیني عالمانو او قومي مخورو هم پخپلو خبرو کې وویل، په ټولنه کې د خوښیو، غم او نورو مراسمو کې اوس هم ناوړه دودونه ترسره کېږي، خلک یې له اقتصادي او نورو ستونزو سره مخ کړي دي، چې د مخنیوي لپاره به یې له محتسبینو سره په ګډه کار وکړي.
