نورستان کې محتسبینو یوه دښمني، چې د قتل لامل شوې وه حل کړه
د نورستان ولایت د امر بالمعروف، نهی عن المنکر او شکایتونو اورېدلو ریاست محتسبینو د سیمې د دیني عالمانو او قومي مخورو په منځګړیتوب د دې ولایت په وانټ ولسوالۍ کې د خپل دیني، اخلاقي او ټولنیز مسئولیت له مخې د دیني عالمانو او قومي مخورو په منځګړیتوب د دوو کورنیو تر منځ د ځمکې پر سر راپورته شوې اوږد مهاله دښمني چې د دووکسانو د قتل لامل شوې وه حل او د دواړو کورنیو ترمنځ روغه وکړه.
دا اوږد مهاله دښمني چې د یادو کورنیو تر منځ د دوو کسانود قتل او د دوامداره شخړو لامل شوې وه د یاد ولایت محتسبینو د سیمې د قومي مخورو په منځګړیتوب حل او پر دوستۍ بدله کړه.
د روغې جوړې په پار جوړې شوې ولسي ناستې ته د یاد ولایت محتسبینو، دیني عالمانو او قومي مخورو د اسلام په مبارک دین کې د یووالي پر ارزښت خبرې وکړې او ویې ویل، چې د اسلام مبارک دین موږ ته له ټولو قومي او ژبني تعصباتو لرې د ورور ولۍ په فضا کې د ژوند کولو امر کړی دی، چې باید پخپلو کې له یو بل سره د وروڼو په څېر چلند وکړو.
د یادولو وړ ده، چې د امربالمعروف، نهې عن المنکر او شکایتونو اورېدلو وزارت ولایتي مسؤلینو تېره اونۍ کې اته لویې دښمنۍ حل او پر دوستۍ بدلې کړې وې.
