د بغلان ولایت د امر بالمعروف مسؤلینو په بدو کې د یوې نجلۍ د ورکړې مخه ونیوله
د بغلان ولایت د امر بالمعروف، نهی عن المنکر او شکایتونو اورېدلو ریاست مسؤلینو د ټولنیز عدالت د تأمین او د خپل ټولنیز مسؤلیت له مخې په برکي ولسوالۍ کې د یوې نجلۍ په بدو کې د ورکولو د ناوړه پېښې مخه ونیوله.
په دې تړاو یاد ولایت د امر بالمعروف مسؤلینو وویل: یاده ځوانه نجلۍ چې د کورنۍ غړو یې غوښتل د حقوقي مسائلو پر سر د را پورته شوې دښمنۍ د حل په موخه یې مقابل لوري ته په غیر شرعي ډول په نکاح کړي، چې د د ې ولایت د امر بالمعروف د مسؤلینو له لوري یې مخه ونیول شوه.
بلخوا ځایي اوسېدونکي دا پرېکړه د ټولنیز عدالت د تأمین، د مېرمنو پر وړاندې له تاوتریخوالي د ډکو پېښو د مخنیوي او په ځانګړي ډول د جبري ودونو د مخنیوي غوره ګام بولي.
د یادولو وړ ده، چې تر دې وړاندې هم د غزني ولایت د امر بالمعروف مسؤلینو په یوه بل غوره اقدام کې د درې کم عمره نجونې د پور په بدل کې له ورکړې ژغورلې وې.
