د امربالمعروف وزارت له لوري د پلازمېنې کابل د سلمانیو اتحادیې له مسؤلینو سره ناسته وشوه

fazli_admin
دوشنبه ۱۴۰۴/۳/۵ - ۱۴:۲۲

د امربالمعروف، نهې عن المنکر او شکایتونو اورېدلو وزارت د پالیسۍ او مسلکي مرستیال شیخ نور محمد حقاني، د دعوت او ارشاد د عمومي رئیس، د کابل ولایت د امر بالمعروف، نهې عن‌المنکر او شکایتونو اورېدلو ښاري ریاست رئیس او د دوه ویشت امنیتي حوزو د محتسبینو د امرینو په شتون کې، د دې وزارت د غونډو په تالار کې د پلازمېنې کابل د سلمانیو اتحادیې له مسؤلینو او غړو سره د معروفاتو اقامې او منکراتو مخنیوي او په دې برخه کې د وزارت له لوري د شویو سپارښتنو د پلي کولو په موخه ناسته وکړه.

د امر بالمعروف وزارت مسلکي مرستیال شیخ نور محمد حقاني د ناستې پیلیزه وینا کې وویل: په ټولنه کې امربالمعروف، نهې عن المنکر د یوې خاصې ډلې مسؤلیت نه دی، بلکي هر مؤمن مسلمان مکلف دی چې د معروفاتو اقامه وکړي او د منکراتو مخه ونیسي.

دغه راز شیخ حقاني د سلمانیو مسؤلینو ته په خطاب کې وویل چې قزع (د نیم سر خرېیل او نیم پرېښودل) د دې ترڅنګ چې د نبوي احادیثو خلاف او غیر شرعي کړنه ده، یو پردی کلتور دی چې مخنیوی یې زموږ او ستاسې دیني مسؤلیت دی.

ورپسې د دعوت او ارشاد لوی رئیس قاري شریف الله حقاني هم د وېښتانو پر غربي طریقه د جوړلو پر مخنیوي ټینګار وکړ او د سلمانیو اتحادیې له غړو یې وغوښتل چې په ټولنه کې د شته منکراتو مخنیوي او د معروفاتو اقامه کې له یاد وزارت سره همکاري وکړي.

همداراز د کابل ولایت د امر بالمعروف، نهې عن‌المنکر او شکایتونو اورېدلو ښاري رئیس مولوي معلم جان هم د منکراتو کې مخنیوي کې په ګډه همکاري ټینګار وکړ او زیاته یې کړه چې امر بالمعروف او نهې عن‌المنکر د ټولو مسلمانانو ګډه دیني وجيبه ده او د یادې چارې لاښه ترسراوي کې بشپړې همغږۍ او همکارۍ ته اړتیا ده.

هېره دې نه وي چې د ناستې په پای کې د سلمانیو اتحادیې غړو خپل نظرونه او وړاندیزونه له مسؤلینو سره شریک کړل او ډاډ یې څرګند کړ چې د وزارت له لوري شوې سپارښتنې به بشپړه توګه پلې کوي او د هغو ټولو کړنو له ترسره کولو به ډډه وکړي چې د الهي قوانینو، نبوي احادیثو او د وزارت له سپارښتنو سره په ټکر کې دي.

 

تازه ترین اخبار

سه‌شنبه ۱۴۰۵/۸/۲۶ - ۹:۵
Background image

نشست تطبیق فرامین عالی‌قدر امیرالمؤمنین حفظه‌الله و رعایت حجاب با حضور صدها تن از علمای دینی در ولایت فراه برگزار شد

نشست بزرگ اصلاحی و آگاهی‌دهی پیرامون تطبیق فرامین عالی‌قدر امیرالمؤمنین حفظه‌الله، قانون امر بالمعروف، نهی عن المنکر و رعایت حجاب شرعی، با حضور صدها تن از علمای دین، بزرگان قومی و. . .

سه‌شنبه ۱۴۰۵/۸/۲۶ - ۸:۵۳
Background image

برای حفظ جان و مال مردم؛ کمپاین سراسری جمع‌آوری پتاقی و مواد آتش‌زا از سوی محتسبین ادامه دارد

مسئولان وزارت امر بالمعروف، نهی عن المنکر و سمع شکایات می‌گویند که محتسبین این وزارت، حدود دو هفته پیش کمپاین سراسری جمع‌آوری پتاقی و مواد آتش‌زا را به‌منظور جلوگیری از منکرات، اعمال. . .

سه‌شنبه ۱۴۰۵/۸/۲۶ - ۸:۵۰
Background image

نجات نزدیک به ۳۰ زن از خشونت‌های خانوادگی طی دو روز در ۹ ولایت

در نتیجه تلاش‌ها و رسیدگی‌های منسوبین وزارت امر بالمعروف، نهی عن المنکر و سمع شکایات، طی دو روز گذشته ۲۶ زن در ۹ ولایت از خشونت و بدرفتاری خانوادگی نجات یافته‌اند.

این قضایا در ولایت. . .

BACK TO NEWS