پکتیکا کې هغه سوداګر نیول شوی چې په لرګیو به یې د وزن د زياتوالي لپاره اوبه پاشلې
د پکتیا ولایت د امر بالمعروف، نهې عنالمنکر او شکایتونو اورېدلو ریاست محتسبینو د یاد ولایت په مرکز ښرنه کې هغه سوداګر، د لرګیو د وزن زیاتولو لپاره به یې له خرڅلاو دمخه په لرګیو اوبه پاشلې، نیولی دی.
د پکتیکا ولایت د امر بالمعروف، نهې عنالمنکر او شکایتونو اورېدلو رئیس مولوي رحمت الله محق وایي، چې نوموړی به د خرڅلاو لپاره یوه ورځ وړاندې لرګي لمدول، ترڅو سبا یې په تله کې وزن ډېر ښکاره شي.
د هغه په وینا، یاد کس یې د خلکو له شکایت او د قضیې له بشپړ څېړلو وروسته نیولی او د شرعي سزا لپاره یې عدلي او قضايي ارګانونو ته ورپېژندلی دی.
یاده دې وي، چې د امر بالمعروف، نهې عنالمنکر او شکایتونو اورېدلو وزارت ډاډ ورکوي، چې په بازارونو کې د سود، احتکار، دوکې او نورو ناوړه کړنو مخنیوي ته ژمن دي او له دې وړاندې یې هم د ورته کړنو مخه نیولې ده.
