کاپيسا کې یوې اوږدمهالې دښمنۍ ته د پای ټکی کیښودل شو

fazli_admin
دوشنبه ۱۴۰۴/۴/۱۶ - ۱۴:۵۳
kapysa-_hl_akhtlafat_.jpg

د کاپیسا ولایت د محتسبینو په هڅو او د قومي مشرانو او دیني عالمانو په منځګړیتوب د دوو کورنیو ترمنځ د قتل په سر راپورته شوې دښمني په دوستۍ بدله شوه.

محتسبین وایي چې یاده دښمني هغه وخت راپورته شوه چې کلونه مخکې یو ځوان په ایران کې ووژل شوو چې وروسته له هغې د دواړو کورنیو ترمنځ دښمني پيدا شوه او دواړو لوریو غوښتل چې یو بل ته زیان ورسوي.

محتسبین زیاتوي چې د یاد ولایت د علماوو د شورا، قومي مخورو او د امارت د لوړ پوړو چارواکو  په مرسته او منځګړیتوب یې یادې دښمنۍ ته د پای ټګی کېښود.

دغه راز د یاد ولایت علماوو او نورو  لوړ رتبه چارواکو هم د دښمنۍ په بدو پایلو خبرې وکړې او زیاته یې کړه چې دښمني زمونږ نسلونه ختموي او د ژوند سکون مو اخلي او سوله او بخشش کې ژوند دی او الله(جل جلاله)  او د هغه پيغمبر(صلي الله علیه وسلم) پرې خوشحاله کېږي.

د محتسبینو او نورو علماوو، او امارتي چارواکو د خبرو او کوششونو په پایله کې د دواړو کورنیو تر منځ جوړه وشوه او ژمنه يې وکړه چې نور به یو بل ته ستونزې نه جوړوي او د دښمنۍ په ځای په دوستي پالي. 

دا په داسې حال کې ده چې د امر بالمعروف، نهې عن‌المنکر او شکایتونو اورېدلو وزارت محتسبینو د روان ۱۴۰۴ کال د وري میاشتې په اوږدو کې د هېواد په بېلابېلو سیمو کې شاو خوا  ۱۰۰ قومي شخړې او دښمنۍ حل او په دوستي بدلې کړې دي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS