پکتیکا کې د ددو مېرمنو په ګډون یوه شپږ کلنه ماشومه په بدو کې له ورکړې وژغورل شوه

fazli_admin
دوشنبه ۱۴۰۴/۱۰/۱ - ۹:۱۹
tamyn_hqwq_yk_zn_dr_pktyka.jpeg

د پکتیکا ولایت د امر بالمعروف، نهی عن المنکر او شکایتونو اورېدلو ریاست محتسبینو په زېړوک، ارګون او وازیخوا ولسوالیو کې د دوو مېرمنو په ګډون یوه شپږ کلنه ماشومه، چې د کورنۍ غړو یې غوښتل د قتل پر سر د راپورته شوې دښمنۍ د حل په موخه یې په بدو کې ورکړي مخنیوی کړی دی.

په تړاو یې، د یاد ولایت د امر بالمعروف رئیس، مولوي رحمت الله محق وویل: د یادو دوو مېرمنو په ګډون شپږ کلنه ماشومه، چې د کورنۍ غړو یې غوښتل په غیر شرعي ډول یې د دښمنۍ د حل په موخه ورکړي، د محتسبینو له لوري یې مخه ونیول شوه او هېڅ چاته به اجازه ورنکړي، چې د مېرمنو حقوق تر پښتو لاندې کړي.

ښاغلی محق زیاتوي، چې محتسبینو یې ورته مهال د دې ولایت په اووه ولسوالیو کې اته مېرمنې هم له کورني تاوتریخوالي ژغورلې او د کورنیو له غړو یې ژمنه اخیستې چې په راتلونکي کې د داسې کړنو له تکرار ډډه وکړي.

د یادولو وړ ده، چې د دې ولایت محتسبینو په یو بل غوره اقدام کې، د قومي او سمتي دښمنیو د مخنیوي او د یووالي روحیې د پیاوړي کولو په موخه په چهار باران، ګومل او نعمت اباد ولسوالیو کې درې قومي دښمنۍ حل کړې، چې له اوږدې مودې راهیسې یې جریان درلود او ښکیلو اړخونو ته پکې ګڼ مالي او ځاني زیانونه اوښتي وو.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS