په کندز کې محتسبینو دوولس ټنه تاریخ تېر خوراکي او غیر خوراکي توکي له منځه یو وړل
په کندز ولایت کې د محتسبینو له لوري په بازارونو کې د تاریخ تېر او بې کیفیته موادو د مخنیوي په موخه د جوړو شویو کمېټو د دوامدارو څارنو پر مهال، په یاد ولایت کې دوولس ټنه تاریخ تېر خوراکي او غیر خوراکي توکي هدر کړل.
په تړاو یې محتسبین وایي، چې په بازارونو کې د څارنې پر مهال یې هغه تاریخ تېر خوراکي او غیر خوراکي توکي له منځه یو وړل، چې مسؤلینو یې په غیر شرعي توګه تاریخ تېر توکي د سیمې پر خلکو پلورل، چې دا چاره د خلکو د روغتیا او عامه سلامتۍ لپاره جدي ګواښ بلل کېږي.
د کمېټو د غړو له لوري تر تاریختېر توکي راټول او له منځه یوړل شول او مسؤل اشخاص د خپل سرغړونکي عمل له امله قانوني تعهد ته اړ کړای شول او ژمنه یط وکړه چې په راتلونکي کې به د داسې کړنو له تر سره کولو ډډه کوي.
دغه راز ځایي اوسېدونکي د محتسبینو دا کړنې ستایي اوړ زیاتوي، چې د محتسبینو او اړوندو ادارو دا ډول کړنې د خلکو د روغتیا د خوندي ساتلو لپاره مهمې دي، چې په وینا یې، که په بازارونو کې جدي څارنه وشي، نو د بېکیفیته او تاریختېر توکو د پلور مخه به ونیول شي.
