په پکتیا ولایت کې محتسبینو (۲) مېرمنې له کورني ظلم څخه وژغورلې
د پکتیا ولایت د امر بالمعروف مسؤلینو د مېرمنو د حقونو ساتنې او د مېرمنو حقونو ته په ژمنیتا په روحاني بابا ولسوالۍ کې (۲) مېرمنې چې د کورني تاوتریخوالي او ناوړه دودونو په اساس له خپلو شرعي حقونو څخه بې برخې وې له شرعي حقونو څخه برخمنې کړې.
مسؤلین وایي: یادې مېرمنې چې له تېرو اوو کلونو راهیسې د ناوړه دودونو پر اساس ځورول کېدلې او حقوق یې تر پښو لاندې شوي و، د امر بالمعروف د مسؤلینو په هڅو وژغورل شوې.
د یادولو وړ ده، چې د امر بالمعروف، نهی عن المنکر او شکایتونو اورېدلو وزارت ولایتي مسؤلین په دوامداره توګه له ځایي خلکو سره د مېرمنو د حقونو د ورکړې او په دې تړاو د عامه ذهنیت د سمون په موخه اصلاحي ناستې کوي، چې ور سره په دې برخه کې د پام وړ بدلون راغلی ده.
