په پکتیا او نیمروز ولایتونو کې پنځه مېرمنې له کورني تاوتریخوالي وژغورل شوې
په پکتیا او نیمروز ولایتونو کې محتسبینو د ټولنې اصلاح او د مېرمنو د حقونو خوندیتوب ته په ژمنتیا پنځه مېرمنې له اوږد مهاله فزیکي او رواني تاوتريخوالي ژغورلي دي.
د نیمروز ولایت محتسبینو د یاد ولایت په بېلابېلو سیمو کې څلور هغه مېرمنې چې د خپلو کورنیو له لوري له فزیکي او رواني تاوتریخوالي سره مخ وې، وژغولې او له کورنیو څخه یې ژمنه واخیستل شوه څو له دې وروسته ورته کړنې ترسره نه کړي.
بلخوا د پکتیا ولایت محتسبینو هم په یو ورته اقدام کې یوه مېرمن د خپل خاوند له اوږدمهاله تاوتریخوالي ژوغورلې او له خاوند څخه یې ژمنه اخیستې څو له دې وروسته له ورته کړنو لاس پر سر شي.
ورته مهال د امر بالمعروف، نهې عنالمنکر او شکایتونو اورېدلو وزارت محتسبین ډاډ ورکوي چې د خویندو د شرعي حقونو خوندیتوب ته ژمن دي او له ولسونو غواړي، څو د خپلو ښځو، لوڼو او خویندو حقونه وپېژني، له تاوتریخوالي ډډه وکړي او د اسلامي تعلیماتو په رڼا کې نیک چلند غوره کړي.
دا په داسې حال کې ده چې د امر بالمعروف، نهې عنالمنکر او شکایتونو اورېدلو وزارت محتسبینو د تېر کال په اوږدو کې د نزدې ۱۱ سوه او ۵۰ اجباري نکاحو او بدو کې ورکړې پېښو مخنیوی کړی دی.
