په پکتیا او لغمان ولایتونو کې شاوخوا ۵۳ ټنه تاریخ تېر توکي وسوځول شول

fazli_admin
یکشنبه ۱۴۰۴/۲/۲۸ - ۱۵:۲۵
tarykh_trh_mwadw_swhwl.jpg

د پکتیا ولایت څمکنۍ ولسوالي او د لغمان ولایت مرکز محتسبینو د بازارونو اصلاح او ټولنې سمون ته په ژمنتیا د نورو امارتي ادارو په همغږۍ شاؤخوا ۵۳ ټنه تر وخت تېر توکي راټول او سوځولي دي.

د پکتيا ولایت د څمکنۍ ولسوالي محتسبینو د بازارانو اصلاح په برخه کې د هڅو په دوام شاؤخوا ۵۰ ټُنه تر وخت تېر خوراکي او غیرخوراکي توکي او درمل راټول او سوځولي دي.

بلخوا د لغمان ولایت مرکز محتسبینو هم د ورته نظارتي کړنو په پایله کې شاؤخوا درې ټنه تر وخت تېر توکي راټول او سوځولي دي.

محتسبین وایي چې تر وخت تېر خوراکي او غیر خوراکي توکي د عامو خلکو روغتیا لپاره جدي ګواښ بلل کېږي او د مخنیوي په برخه کې یې د عامو خلکو او مسؤولینو ترمنځ ګډه همغږي او همکاري اړینه ده.

محتسبین همداراز ټینګار کوي چې د خلکو روغتیا، بازارونو اصلاح او اسلامي اصولو پلي کولو ته په ژمنتیا به د تاریخ تېرو توکو راټولولو لړۍ دوام ولري.

دا په داسې حال کې ده چې د امربالمعروف، نهې عن المنکر او شکایتونو اورېدلو وزارت له ټولو سوداګرو او هټۍ والو څخه غوښتي وو چې د شرعي اصولو سره سمه سوداګري وکړي، د خلکو روغتیا ته پاملرنه وکړي او له داسې کړنو ځانونه وساتي چې دنيوي او اخروي زیانونه له ځانه سره لري.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS