په پکتیا او غزني ولایتونو کې څلور مېرمنې له (۱۱) او پنځه کلن کورني تاوتریخوالي څخه وژغورل شوې

fazli_admin
پنجشنبه ۱۴۰۴/۲/۱۸ - ۱۰:۳
pktya_aw_ghzny_d_myrmnw_hqwq_

د امربالمعروف، نهې عن المنکر او شکایتونو اورېدلو وزارت اړوند د پکتیا ولایت محتسبینو د دې ولایت په پټان ولسوالۍ کې، د ټولنې اصلاح او د مېرمنو حقونو خوندیتوب ته په ژمنتیا یوه مېرمن له ( ۱۱ ) کلن کورني  تاوتريخوالي وژغورله.

د یاد ولایت د امربالمعروف ریاست د مسؤولینو په وینا، یاده مېرمن چې د خپلې کورنۍ له لوري له فزیکي او رواني زورونې سره مخ وه، د محتسبینو له لوري وژغورل شوه او د کورنۍ غړو ته یې د مېرمنو د حقونو په تړاو بشپړ معلومات ورکړل او له هغوی یې ژمنه واخیسته تر څو په راتلونکي کې د مېرمنو پر وړاندې له تاوتریخوالي څخه ډډه وکړي.

 محتسبین زیاتوي: د مېرمنو پر وړاندې تاوتریخوالی، د هغوی د حقونو لکه میراث، مهر، د خاوند له لوري نفقې نه ورکړه او له هغوی سره هر ډول ناوړه چلند تر سره کول د اسلام په مبارک دین کې ناروا بلل شوي دي، هېچا ته به اجازه ور نه کړي چې د مېرمنو شرعي حقونه تر پښو لاندې کړي.

ورته مهال د غزني ولایت د امربالمعروف، نهې عن المنکر او شکایتونو اورېدلو ریاست محتسبینو په یوه بل اقدام کې په ده یک، زنه خان او مقر ولسوالیو کې درې مېرمنې چې له کورني تاوتریخوالي، فزیکي او رواني زورونې سره مخ وې وژغورلې او له خپلو شرعي حقونو څخه یې برخمنې کړې.

د یادولو ده، چې محتسبینو د یادو مېرمنو کورنیو ته د مېرمنو د حقونو په تړاو بشپړ معلومات ورکړل او له هغوی یې ژمنه واخیسته چې په راتلونکي کې د داسې او ورته ناوړه کړنو له تر سره کولو ډډه وکړي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS