په خوست ولایت کې د بدل په نکاح بندې نجلۍ ته د امربالمعروف ریاست له لوري ازادي ورکړل شوه

fazli_admin
پنجشنبه ۱۴۰۴/۴/۱۲ - ۸:۴۵
khwst-_njat_znan_-pshtw.jpg

 د خوست ولایت د امربالمعروف او نهې عن المنکر ریاست د محتسبینو د ژمنتیا، پرله‌ پسې هڅو او قانوني مداخلې له برکته، د سپیرې ولسوالۍ اړوند سیمه کې یوه پېچلې او زړه‌ بوږنوونکې قضیه حل شوه، چې له امله یې یوه نجلۍ د ۲۷ کلونو وروسته له جبري بندیز خلاصه او خپل انساني او شرعي حق ته ورسیده.

دا قضیه هغه مهال رامنځته شوې وه، چې د نجلۍ کورنۍ شاوخوا ۲۷ کاله وړاندې مقابل لوري ته د "بدل" په نکاح ژمنه ورکړې وه، او لفظي تعهد ‌یې کړی و چې خپله لور به ورته نکاح کوي. خو یاده نجلۍ له دې نکاح سره مخالفت کړی و، او له رضایت پرته ‌یې نکاح نه منله.

نو دا چې  مقابل لوری له خپلې دعوې نه تېرېده، د نجلۍ کورنۍ هم په سختو شرایطو کې قرار درلود، نو نوموړې‌ یې د شخړې د نه پراخېدو لپاره په کور کې جبري کینولې وه، او له ټولنیز ژوند، نکاح او نورو اساسي حقونو بې‌برخې پاتې شوې وه.

د امربالمعروف ریاست د محتسبینو د ارزونې او هڅو وروسته، له دواړو لوریو سره د دیني، قانوني او ټولنیزو اصولو پر بنسټ ناستې ترسره شوې. په پایله کې دا پرېکړه وشوه چې مقابل لوری نور په یاده نجلۍ هېڅ حق نه لري، او د نجلۍ کورنۍ قانوناً دا صلاحیت لري چې خپله لور هر چا ته، د هغې له خوښې سره سم، په نکاح ورکړي.

یاده پرېکړه د اسلامي شریعت پر اصولو، د ښځو د رضایت پر وجوب، او د انساني کرامت پر بنسټ ترسره شوه.

د خوست د امربالمعروف ریاست مسؤولین ټینګار کوي چې دوی د ټولنې د اصلاح، د جبر او ظلم پر وړاندې د شرعي عدالت د تامین د نارینه  او ښځینه وو د مشروع حقونو د خوندیتوب لپاره خپلې هڅې دوامداره ساتي، او له ولس نه غوښتنه کوي چې د ورته قضیو په مخنيوي که له محتسبینو سره مرسته وکړي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS