په خوست او فراه ولایتونو کې دوه اوږدمهالې شخړې حل شوې

fazli_admin
دوشنبه ۱۴۰۴/۲/۲۲ - ۸:۱۴
khwst_aw_frah_ky_smny_hl_

د خوست او فراه ولایتونو د محتسبینو په هڅو، د کلیوالي ستونزو له امله راپورته شوې دوه اوږدمهالې شخړې حل او په دوستۍ بدلې شوي دي.

د خوست ولایت محتسبینو د یاد ولایت نادرشاه کوټ ولسوالۍ کې د دوو کورنیو ترمنځ شل (۲۰) کلنه شخړه چې د ګڼ شمېر ستونزو، ناخوالو او د دواړو کورنیو ترمنځ د اړیکو پرې کېدو لامل شوې وه د قومي مشرانو او ديني عالمانو په منځګړیتوب حل او فصل کړې ده.

بلخوا د فراه ولایت محتسبینو هم په یو ورته اقدام کې د یاد ولایت مرکز کې د دوو کورنیو ترمنځ د کلیوالي ستونزو له امله راپورته شوې شخړه په سوله ‌ییزه توګه حل او د‌ دواړو لوریو ترمنځ روغه کړې ده.

په دې تړاو ناستو کې محتسبینو د اسلام له نظره د سولې پر ارزښت خبرې کړي او له ښکېلو اړخونو یې غوښتي څو خپلې ستونزې د اسلامي اصولو په رڼا کې د خبرو اترو له لارې حل کړي. هغوی همداراز ډاډ ورکوي چې د ټولنې اصلاح او ورته شخړو مخنیوي کې به بشپړه هڅه کوي.

ورته مهال ځایي اوسېدونکي د محتسبینو کړنې ستایي او وایي چې د ټولنې اصلاح، سمون او مثبت بدلون لپاره د محتسبیو شتون اړین دی.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS