محتسبین: رسنۍ د عامه ذهنیت د سمون او ټولنیزې اصلاح په برخه کې تر بلې هرې وسیلې اغېزمنې دي 

fazli_admin
پنجشنبه ۱۴۰۴/۲/۴ - ۱۰:۳۶
kabl-rsny_dhnyt_jwrwl.jpg

د امربالمعروف، نهې عن المنکر او شکایتونو اورېدلو وزارت محتسبینو په پلازمېنه کابل کې، د یو شمېر چاپي، غږیزو او تصویري رسنیو له مسؤولینو سره په اصلاحي ناستو کې وویل، په اسلامي نظام کې رسنۍ د ځوانانو فکري رغښت، ټولنیز ذهنیت سمون او اصلاح په برخه کې تر بلې هرې وسیلې اغېزمنې دي او د منبر حیثیت لري.

محتسبینو د یادو نشراتي ادرسونو له مسؤولینو سره په ناستو کې وویل، د نوي نسل  د عامه ذهنیت جوړلو له پاره داسې اصلاحي خپرونې او چاپي مواد ترتیب کړئ چې لوستي ځوانان په شعوري ډول اسلامي قوانینو ته ژمن پاتې شي او نوی نسل په اسلامي روحیه سمبال وروزل شي.
د هغوی په وینا، دښمن له هر لوري هڅه کوي، چې خپل دود او کلتور زموږ ټولنې ته راوړي، چې پر وړاندې یې مبارزه زموږ او ستاسو ګډ شرعي او هېوادنی مسؤولیت دی.

د یادولو ده چې تر دې وړاندې هم، محتسبینو له هټۍ ‌والو او د سوداګريزې برخې له مسؤولینو سره په اصلاحي ناستو کې هغوی ته ویلي و، چې په سوادګریزو خبرتیاوو کې د داسې څه له خپرولو ډډه وکړي چې له اسلامي اصولو سره په ټکر کې وي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS