محتسبین: د مېرمنو د حقونو ورکړه او ساتنه راته لومړیتوب لري
د کونړ ولايت د غازي اباد ولسوالۍ محتسبینو، د دې ولسوالۍ په څوکۍ کلي کې یوه پېغله چې پلار یې وفات شوی و او ورور یې غوښتل چې یوه کس ته یې د هغې له خوښې پرته په نکاح ور کړي، د محتسبینو له لوري یې مخه ونیول شوه.
په دې پار جوړې شوې ولسي ناستې ته د یادې ولسوالۍ محتسبینو په خبرو کې وویل، د اسلام د مبارک دین له مخې په نکاح کې د مېرمنو خوښه د هغوی شرعي حق دی، هیڅ چاته به اجازه ور نه کړي چې د مېرمنو پر وړاندې له تاوتریخوالي ډک چلند څخه کار واخليږ چې په وینا یې ( د الهي قوانینو په رڼا کې د هېواد د ټولو وګړو په ځانګړي ډول د مېرمنو د ټولو حقونو ورکړه او ساتنه ورته لومړیتوب لري).
د ا په داسې حال کې ده، چې په تېر یوه کال کې د امربالمعروف، نهې عن المنکر او شکایتونو اورېدلو وزارت محتسبینو د هېواد په ټولو ولایتونو کې زرګونه مېرمنې له اجباري نکاح، کورني تاوتریخوالي، زور زیاتي، کورني بند خونو او نورو ورته ناوړه پېښو څخه ژغورلې دي او په دې پار یې کړنې لا هم دوام لري.
