محتسبینو په پکتیا، خوست او ننګرهار ولایتونو کې له قومي مخورو او ځوانانو سره اصلاحي ناستې تر سره کړې 

fazli_admin
شنبه ۱۴۰۴/۳/۱۰ - ۱۳:۵۲
wlayat.jpg

د امر بالمعروف، نهې عن المنکر او شکایتونو اورېدلو وزارت اړوند د خوست، ننګرهار، او پکتیا ولایتونو محتسبینو له قومي مخورو، ځایي اوسېدونکو او ځوانانو سره په ودونو او نورو خوښیو کې د ناوړه دودونو مخنیوي، عامه ذهنیت د سمون او په یادو برخو کې د وزارت له لوري د شوو سپارښتنو د پلي کولو په موخه اصلاحي ناستې تر سره کړې.
 
په دې بېلابېلو اصلاحي ناستو کې محتسبینو له قومي مخورو وغوښتل چې په ودونو او نورو خوښیو کې د لوړ ولور او هغو ټولو بدو دودونو مخه ونیسي چې په ټولنه کې د منکراتو خپرېدو ته لار هواروي او پر هغوی یې غږ وکړ چې په ودونو کې د بې ځایه لګښتونو، موسیقي غږولو او اختلاط مخه ونیسي، څو په ټولنه کې الهي احکام پلي او د شته منکراتو مخه ونیول شي.
 
ورته مهال قومي مخورو او ځوانانو له محتسبینو سره په کارونو کې مرسته او د منکراتو مخنیوی الهي او هېوادنی مسؤلیت یاد کړ او د داسې ناستو جوړول یې له اسلامي نظام سره د همغږۍ او په کارونو کې د مرستې غوره لار وبلله. 

د یادولو ده چې د امر بالمعروف، نهې عن المنکر او شکایتونو اورېدلو وزارت محتسبین د هېواد په ټولو ولایتونو کې له دیني عالمانو، قومي مخورو او ځوانانو سره په ټولنه کې له اسلامي نظام سره د همکاري، معروفاتو اقامي، منکراتو مخنیوي، په کارونو کې همغږۍ او عامه ذهنیت د سمون په موخه ناستې تر سره کوي چې ور سره په دې برخو کې د پام وړ بدون راغلی دی.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS