محتسبینو په فراه، فاریاب، غزني او روزګان ولایتونو کې د قومنو تر منځ شته دښمنۍ حل او پر دوستۍ بدلې کړې  

fazli_admin
سه‌شنبه ۱۴۰۴/۳/۱۳ - ۸:۲۳
This text will be used by screen readers, search engines, or when the image cannot be loaded.

 د امربالمعروف، نهې عن المنکر او شکایتونو اورېدلو وزارت اړوند د فراه، روزګان، غزني او فاریاب ولایتونو محتسبینو د سیمې د دیني عالمانو او قومي مخورو په منځګړیتوب د قومونو ترمنځ شته دښمنۍ او خپلمنځي اختلافات چې د ګڼ شمېر کورنیو ستونزو، ناخوالو او د قومنو ترمنځ د اوږد مهاله جنجالونو او اړیکو پرې کېدو لامل شوې وې پر دوستۍ بدلې کړې.

په دې پار جوړو شوو ولسي ناستو ته محتسبینو پخپلو خبرو کې د یووالي پر ارزښت خبرې وکړې او ویې ویل: ژبني تعصبات، قومي شخړې او بې اتفاقي په ټولنه کې بې عدالتۍ ته لار هواروي او شته امن له منځه وړي چې باید مخه یې ونیول شي.

هغوی همداراز زیاته کړه: د اسلامي امارت د هرې برخې مسؤلین هڅه کوي تر څو د هېواد والو له پاره د ارام ژوند تېرولو زمینه برابره کړي او چاته دا اجازه نه ورکوي چې ګډوډیو او بې اتفاقیو ته لار هواره کړي.

 بلخوا ځایي اوسېدونکي د امربالمعروف وزارت د محتسبینو دا کړنې ستایي او وایي چې مسؤلین، قومي مخور او متنفذین  باید په ټولنه کې د شته ستونزو د‌ هواري له پاره خپلې هڅې جاري وساتي.

دا په داسې حال کې ده چې تر دې وړاندې هم د امربالمعروف وزارت محتسبینو د یوې با امنه ټولنې د رامنخته کولو په موخه د ژبني تعصباتو او قومي بدیو مخه نیولې چې ځایي خلک یې له کړنو هر کلی کوي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS