لوګر کې محتسبینو (۱۶) کلنه دښمني چې د قتل لامل شوې وه پر دوستۍ بدله کړه

fazli_admin
چهارشنبه ۱۴۰۴/۴/۲۵ - ۹:۴۱
lwgr_-_hl_akhtlafat_pshtw.jpg

د لوګر ولایت د امر بالمعروف، نهي عن المنکر او شکایتونو اورېدلو ریاست محتسبینو د ټولنیز عدالت د تأمین، قومي او ژبني تعصباتو د مخنیوي او یووالي په موخه په دې ولایت کې د دوو کورنیو تر منځ (۱۶) کلنه دښمني حل او پر دوستۍ بدله کړه.

په دې تړاو د یاد ولایت د امر بالمعروف مسؤلین وایي: یاده دښمني چې شاوخوا ۱۶ کاله وړاندې د دوو کورنیو ترمنځ د یو شمېر ستونزو له امله رامنځته شوې وه، چې د یوه کس د قتل ترڅنګ دواړه کورنیو خپلې واده کړې لوڼې په دغه موده کې په خپلو کورنو کېنولې وې، چې د محتسبینو له لوري دا دښمني حل او مېرمنې له  خپلو کورنیو سره بېرته یو ځای شوې.

دغه راز د یاد ولایت محتسبین زیاتوي، چې په تېرو  دوو اونیو کې د دې ولایت محتسبینو د مرکز په ګډون په ځینو ولسوالیو کې د مېرمنو د حقونو اړوند (۱۱) قضیې حل کړي دي او مېرمنو ته خپل  شرعي حقوق سپارل شوي دي.

 د یادولو وړ ده، چې د امر بالمعروف وزارت محتسبینو د هېواد په کچه لس ګونه قومي او ژبني دښمنۍ حل کړې او سل ګونه مېرمنو ته یې خپل شرعي حقوق سپارلي دي او په دې پار یې کړنې لا هم دوام لري.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS