لوګر کې د دوو قومونو ترمنځ د قتل پر سر راپورته شوې دوه کلنه دښمني په دوستي بدله شوه

fazli_admin
سه‌شنبه ۱۴۰۴/۲/۳۰ - ۸:۴۹
This text will be used by screen readers, search engines, or when the image cannot be loaded.

د امربالمعروف، نهې عن المنکر او شکایتونو اورېدلو وزارت اړوند د لوګر ولایت د ازرې ولسوالۍ شیخانو کلي کې، محتسبینو د ټولنې اصلاح او ټولنیز عدالت ټينګښت په موخه د سیمې د دیني عالمانو او قومي مخورو په منځګړیتوب، د دوو قومنو تر منځ د قتل پر سر راپورته شوې دښمني، اسلامي اصولو او قومي ارزښتونو ته په کتو پر دوستۍ بدله کړه.

په دې پار جوړه شوې ولسي ناسته کې، محتسبینو د دواړو لوریو د پخلاینې تر څنګ د دښمنۍ پاللو او بې اتفاقۍ پر بدو پایلو خبرې وکړې او له ښکېلو اړخونو یې وغوښتل چې پاتې ژوند د ورورولۍ په فضاء کې تېر کړي او د انتقام اخیستلو او دښمنۍ پاللو څخه ډډه وکړي.

دغه راز ناستې ته دیني عالمانو، قومي مخورو او د پېښې ښکېلو اړخونو په خبرو کې پر دې جوړ جاړي خوښي وښوده او په دې ولایت کې یې د محتسبینو کړنې وستایلې.

دا په داسې حال کې ده، چې د امربالمعروف، نهې عن المنکر او شکایتونو اورېدلو وزارت محتسبینو د هېواد په ټولو ولایتونو کې، د نوي کال پیل سره د لس ګونو قومي بدیو، قومي تعصباتو او هغو بدو پېښو مخه نيولې چې ټولنیز ژوند ګواښي او نا امنیو ته لار هواروي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS