لغمان کې محتسبینو د ریکشو پر مخ د ناسمو لیکنو د پاکولو کمپاین پیل کړ

fazli_admin
سه‌شنبه ۱۴۰۴/۸/۲۷ - ۹:۱۷
dr_wlayt_lghman_kmyayn_shar_az_ryksha_aghaz_shd

د لغمان ولایت د امر بالمعروف، نهی عن المنکر او شکایاتو اورېدلو ریاست محتسبینو د یاد ولایت د اطلاعاتو او کلتور ریاست، علما کرامو او ځوانانو سره په همغږۍ په مهترلام ښار کې  د ګرځېدونکو  موټرونو او ریکشو له چلوونکو څخه د یو اصلاحي کمپاین پر مهال وغوښتل څو د ریکشو او موټرونو پر مخ د ناسمو او بې مفهومه لیکنو له لیکلو ډډه وکړي.

د یاد ریاست مسؤولینو وویل: د کمپاین پر مهال د ریکشو او موټرو پر مخ هغه ناسمې لیکنې چې منفي مفهوم لري، پاکې شوې او پر ځای یې محتسبینو چلوونکو ته لارښوونه کړې، څو له دې وروسته د عامه ذهنیت د خرابېدو او ناسم پیغام د خپرېدو لامل نه شي او د ټولنې د اخلاقي سمون د پیاوړتیا لپاره پر وسایطو اصلاحي، ګټور او سالم پیغامونه ولیکي.

ورته مهال  ځایي اوسېدونکي د  محتسبیو د یادې کړنې د ستاینې تر څنګ ډاډ څرګندوي چې دا کار به په ټولنه کې د سالم فکر، مثبت پیغام او عامه پوهاوي د لوړولو لامل شي.

دا په داسې حال کې ده، چې د لغمان د امر بالمعروف ریاست رئیس د ټولو ولسوالیو له آمرینو  غوښتي، چې پخپلو اړوند سیمو کې د ریکشو او نورو وسایطو چلوونکو ته سپارښتنه وکړي چې د خپلو وساېطو پر مخ ناسم او بې‌مفهومه لیکل شوي عبارتونه لرې کړي او پر ځای یې رغنده او مثبت متنونه وکاروي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS