غزني کې ۹ مېرمنې د امر بالمعروف مسؤلینو په هڅو له خپلو شرعي حقونو برخمنې شوې

fazli_admin
یکشنبه ۱۴۰۴/۷/۲۷ - ۹:۴۲
drghzny_9_zn_ra_az_khshwnt_njat_dadnd.jpg

د غزني  ولایت د امر بالمعروف، نهی عن المنکر او شکایتونو اورېدلو ریاست محتسبینو د دې ولایت په مرکز او ولسوالیو کې تېره اونۍ د خپلو کړنو پر مهال د امیر المؤمنین حفظه الله له لوري د مېرمنو د حقونو د تأمین په موخه د شپږ ماده یز فرمان له مخې د دې ولایت په مرکز او ولسوالیو کې د نهو مېرمنو بېلا بېلو قضیو ته رسېدنه کړې او هغوی ته یې خپل شرعي حقوق سپارلي دي.

د یاد ولایت محتسبین زیاتوي، چې تېره اونۍ یې د ۲۸روغتیایي مرکزونو، ۲۲ تعلیمي مرکزونو، ۹۲ واده تالارونو او ۳۱ ورزشي او تفریحي ځایونو له مسؤلینو سره په اصلاحي ناستو کې د وزارت له لوري په یادو برخو کې ټاکل شوي قوانین اورولي او له هغوی یې غوښتي، چې خپلې کړنې د وزارت د اصولو پر اساس تر سره کړي.

دغه راز د یاد ولایت محتسبینو په ۲۸ بېلا بېلو اصلاحي ناستو کې ځایي خلکو ته د عالیقدر امیر المؤمنین حفظه الله د (۱۷) مې ګڼې فرمان په اساس له هغوی غوښتي، چې د ودونو، حج، عمرې او نورو خوښیو پر مهال دې د ناوړه دودونو له کولو ډډه وکړي.

ورته مهال د دې ولایت محتسبینو په ۵۲بېلا بېلو اصلاحي ناستو کې، د مېرمنو د حقونو، د اولاد روزنې، د والدینو احترام، نشه یي توکو د نه کارولو او نه قاچاق، سوداګریزې کړنې د اسلامي اصولو پر اساس تر سره کولو او په دې برخه کې له سود، احتکار او خیانت کولو څخه د ځان ساتنې پر موضوعاتو اصلاحي ناستې کړې دي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS