غزني ولايت کې یوه مېرمن له ۱۵ کلنو وروسته له کورني تاوتریخوالي وژغورل شوه

fazli_admin
سه‌شنبه ۱۴۰۴/۴/۲۴ - ۱۶:۲۶
ghzny_wlayt_njat_zn_khshwnt.jpg

د غزني ولایت محتسبینو د دې ولایت د زنخان ولسوالۍ سنګ آب کلي کې یوه کونډه مېرمن، چې له تېرو پنځلسو کلنو راهیسې د لېوره له لوري له فزیکي او رواني تاوتریخوالي، وهلو او زور زیاتي سره مخ وه، د محتسبینو له لوري وژغورل شوه.

د یاد ولایت محتسبین وایي: یاده مېرمن له هغه وروسته له دې زور زیاتي څخه وژغورل شوه، چې نوموړې مېرمن د خپلو شرعي حقونو د تر لاسه کولو په موخه د یاد ولایت د امر بالمعروف ریاست ته د خپلو ستونزو د حل په موخه عارضه شوه.

ورته مهال د یاد ولايت محتسبینو په یوه بل غوره اقدام کې د ګېرو ولسوالۍ د ديسي په کلي کې یوه مظلومه مېرمن، چې له تېرو درې میاشتو راهیسې د خُسرګنۍ له لوري له فزیکي او رواني تاوتریخوالي سره مخ وه او د خپل پلار کور ته له تګ څخه منع شوې وه وژغورله.

محتسبين ډاډ څرګندوي، چې د ظلم، تاوتریخوالي او غیر شرعي کړنو پر وړاندې به خپلو شرعي او قانوني هڅو ته دوام ورکوي، څو ټولنه له داسې ستونزو پاکه او د مېرمنو حقوق خوندي پاتې شي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS