روزګان کې محتسبینو د (۱۱) کورنیو تر منځ د ځمکو پر سر راپورته شوې شخړې حل کړې

fazli_admin
دوشنبه ۱۴۰۴/۷/۲۱ - ۱۱:۱۲
img-20251013-wa0006.jpg

د روزګان ولایت د امر بالمعروف، نهی عن المنکر او شکایتونو اورېدلو ریاست مسؤلینو د ټولنیز عدالت د تأمین او د یووالي روحیې د پیاوړي کولو په موخه د قومي مخورو او دیني عالمانو په منځګړیتوب په دې ولایت کې د (۱۱) کورنیو تر منځ د ځمکو پر سر راپورته شوې شخړې حل کړې.
مسؤلین وایي، یادې کورنۍ چې له اوږدې مودې راهیسې پخپلو منځونو کې په شخړو او دعوو بوخت و، چې له امله یې کورني مشکلات او ګڼې نورې ستونزې را منځه شوې وې د دې ولایت محتسبینو د دیني عالمانو او قومي مخورو په منځګړیتوب روغه وکړه او له ښکېلو اړخونو یې وغوښتل چې په راتلونکي کې د هغو ټولو بدو کړنو له کولو ډډه وکړي، چې دوامداره بدیو ته لار هواروي.
دغه راز په شخړو کې ښکېلو اړخونو پر دې روغه جوړه خوښي وښوده او ویې ویل چې په ټولنه کې د ټولو بدو پېښو په مخنیوي کې د محتسبینو تر څنګ ولاړ دي.
د یادولو وړ ده، چې د دې ولایت د امر بالمعروف مسؤلین د یووالي رامنځته کولو تر څنګ د مېرمنو د حقونو خونديتوب، په بازارونو کې د سود او احتکار د مخنیوي تر څنګ له ځوانانو سره اصلاحي ناستې کوي چې ور سره په ټولنه کې د ډېرو ناوړه پېښو مخه نیول شوې ده.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS