د (۱۶) کلن کورني تاوتریخوالي قرباني شوې مېرمن د محتسبینو له لوري وژغورل شوه 

fazli_admin
سه‌شنبه ۱۴۰۴/۲/۹ - ۸:۹
mydan_wrdk_-_qrbany_khshwnt_hay_hqwq_znan_.jpg

 د امربالمعروف، نهې عن المنکر او شکایتونو اورېدلو وزارت اړوند د میدان وردګ ولایت نرخ ولسوالۍ محتسبینو د سیمې د قومي مخورو په ملتیا یوه مېرمن، چې د خپل خاوند له لوري له تېرو (۱۶) کلنو راهیسې له هر ډول شرعي حقونو څخه بې برخې او کورني تاوتریخوالي سر مخ وه، وژغورله. 
په دې تړاو د یاد ولایت د امر بالمعروف رئیس مولوي عبد الله محمد وایي، یاده مېرمن چې د کریمدادو د کلي اوسېدونکې ده، له (۱۶) کلونو راهیسې د خپل خاوند له لوري له خپلو ټولو شرعي او انساني حقوقو څخه بې‌ برخې وه، چې د محتسبینو له لوري وژغورل شوه او له خاوند څخه یې ژمنه واخیستل شوه چې په راتلونکي کې د داسې کړنو له تر سره کولو ډډه وکړي.
هغه زیاتوي، د امیر المؤمنین حفظه الله د ځانګړي فرمان او د امربالمعروف، نهې عن المنکر او شکایتونو اورېدلو وزارت د سپارښتنو پر اساس د مېرمنو د ټولو حقونو ورکړې او ساتنې ته ژمن دي او هڅه کوي چې په هېواد کې د مېرمنو پر وړاندې د تاوتریخوالي ډکو او ناوړه پېښو مخه ونیسي . 
دا په داسې حال کې ده چې د یاد ولایت محتسبینو تر دې وړاندې هم په دې ولایت د لسګونه ورته پېښو مخه نیولې او ځایي اوسېدونکي د محتسبینو دا کړنې ستایي او ډاډ څرګندوي چې د ټولنې په اصلاح کې د محتسبینو تر څنګ ولاړ دي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS