د ولایتی کړنو راپور

دولتي کارمندان باید ولس ته الګو وي

شنبه، رجب المرجب ۱۳، ۱۴۴۴

د میدان وردګ ولایت د امربالمعروف رئیس مولوي ناصح د یاد ولایت د نظامي مسؤلینو له پاره په جوړه شوې اصلاحي ناسته کې هغوی ته وویل: ملت زموږ له صورت او سیرت څخه الهام اخلي، نو زموږ کړنې باید د ولس له پاره الګو وي.

دا ناسته چې د یاد ولایت ډېری نظامي مسؤلینو پکې ګډون درلود د دې ولایت د امربالمعروف رئیس مولوي ناصح پخپلو خبرو کې و ويل، ملت زموږ له صورت او سیرت څخه الهام اخلي او هغه  کړنې کوي چې چارواکي یې تر سره کوي نو په همدې اساس دولتي مسؤلین باید د ولس له پاره الګو وي .

ښاغلي ناصح همدا راز د ناستې ګډون والو ته په نظامي برخه  کې د منکراتو د مخنیوي په موخه د امربالمعروف وزارت له لوري ټاکل شوي قوانین واورول او له هغوی یې د پوره پلي کېدو غوښتنه وکړه.

د یادولو ده؛ چې د یاد وزارت د رهبري له لوري په نظامي برخه کې ټاکل شوی څو کسیز هیئت پر نظامي ځایونو ګرځي او ټاکل شوي قوانین پرې په عملي توګه پلي کوي؛چې د تخلف په صورت کې متخلفین له دندو ګوښه کېږي.


ولسي خلک د امربالمعروف له کړنو راضي دي او پر شویو سپارښتنو له مسؤلینو د ټینګار غوښتنه کوي
یکشنه، جمادی الثاني ۲۲، ۱۴۴۴
د لوګر ولایت د ازرې ولسوالۍ د امربالمعروف مسؤلینو د یادې ولسوالۍ له قومي مخورو سره د همغږي په پار په جوړه شوې ناسته کې له هغوی غوښتي چې د ټولنې په سمون او د ناوړه رواجونو په له منځه وړلو کې ورسره مرسته وکړي .
د یادې ولسوالۍ محتسبینو په دې ناسته کې چې د ځینو دولتي مسؤلینو په ګډون د سیمې دیني عالمانو، قومي مخورو پکې ګډون درلود ویلي چې: د ټولنې د سمون په موخه د یاد وزارت له لوري د وضع کړی شویو قوانینو په پلي کولو کې ورسره مرسته وکړي او هم یې له هغوی غوښتي چې په ټولنه کې د بېځایه رواجونو په له منځه وړلو کې ورسره مرسته وکړي.
هغوی په دې هکله زیاتوي چې زموږ موخه په ټولنه کې د الهي احکامو پلي کول او خلک نېکې لارې ته را بلل دي چې په دې کار کې موږ ستاسې مرستې ته اړتیا لرو څو وکولی شو په ټولنه کې د شته منکراتو مخه ونیسو.
د یادولو ده چې د سیمې دیني عالمانو او قومي مخورو د یادو شویو قوانینو د پوره پلي کېدو او په دې برخه کې د همکاري ژمنه وکړه او دې د ټولنې د سمون غوره لار وبلله.


د امربالمعروف وزارت د شکایتونو د تحلیل او پلټنې ریاست مسؤلینو ننګر هار ولایت ته سفر وکړ

پنجشنبه، جمادالثاني ۱۲، ۱۴۴۴

د امربالمعروف وزارت د شکایتونو اورېدلو ریاست له لوري د خلکو د شکایتونو د حل په موخه ټاکل شوي څو کسیز  هيئت چې مشري یې د دې وزارت د شکایتونو د تحلیل او پلتنې رئیس مولوي فضل الرحمن مجددي پر غاړه وه د یو رسمي سفر پر مهال د ننګر هار ولایت له قومي مخورو ،دیني عالمانو سره په ناسته  کې ویلي ( هیڅ دولتي او غیر دولتي کسان نه شي کولی چې د چا په حق کې تېری وکړي. د امربالمعروف وزارت د شکایتونو اورېدلو د برخې مسؤلین هڅه کوي چې د خلکو ستونزو ته پر وخت رسیدګي وکړي او ستونزې یې د حل په موخه تر مسؤلو چارواکو ورسوي)

دا ناسته چې پکې د دې ولایت ګڼو دولتي مسؤلینو، دیني عالمانو، قومي مخورو  شتون درلود د یاد وزارت د شکایتونو د تحلیل او پلتنې رئیس و ویل: د امربالمعروف د مسؤلینو لومړنۍ هڅه په ټولنه کې د منکراتو مخه نیول او د خلکو ستونزې د حل په موخه تر مسؤلو چارواکو رسول دي او زیاته یې کړه موږ هیچا ته اجازه نه ورکو چې د چا په حق کې تېری وکړي .

په ورته وخت کې ځایي مسؤلینو، دیني عالمانو او قومي مخورو  د امر بالمعروف وزارت دا اقدام وستایه او په ټولنه کې د منکراتو د مخنیوي او خلکو ته د ښه خدمت کولو غوره یې وبلله.


په ټولنه کې د منکراتو د لوړېدو لوی عامل د زیاتو ولورونو اخیستل دي چې؛ باید مخه یې ونیول شي!

پنجشنبه،جمادی الثاني۱۲، ۱۴۴۴

د لوګر ولایت د امربالمعروف مسؤلینو، د دې ولایت له دیني عالمانو او  قومي مخورو سره د همغږي او او د بې ځایه رواجونو د ختمولو په پار په جوړه شوې ناسته کې هغوی ته ویلي ، په ټولنه کې د منکراتو د زیاتېدو او د ځوانانو په نا قانونه توګه بهر هیوادونو ته د تلوو لوی عامل، د لوړو ولورونو اخیستل او د بې ځایه رواجونو تر سره کول دي، چې مخه نیول یې د یني عالمانو او قومي مخورو مسؤلیت دی .

ناستې ته د یاد ولایت د امربالمعروف مسؤلینو پخپلو خبرو کې و ویل: پر دیني عالمانو او قومي مخورو لازمي ده چې د ټولنې په جوړښت او د منکراتو په له منخه وړلو  کې له موږ سره مرسته وکړي .

 محتسبینو همدا رنګه په ټولنه کې د منکراتو د لوړېدو او د ځوانانو په نا قانونه توګه بهر هیوادنو ته د تلوو لوی عامل د لوړو ولورونو اخیستل او په ودونو او نورو خوښیو کې د بې ځایه مصارفو تر سره کول یاد کړل او له هغوی یې وغوښتل چې په دې برخه کې له محتسبینو سره مرسته وکړي. چې هغوی ورته په دې برخه کې د هر ډول مرستې ډاډ ورکړ او د یادو شویو فرامینو د پوره پلي کېدو ژمنه یې وکړه.


له خلکو سره له نرم او مسلکي چلند څخه کار واخلئ

یکشنبه، جمادی الثاني۸، ۱۴۴۴

د ارزګان ولایت د ګېزاب ولسوالۍ د امربالمعروف محتسبینو د دې ولسوالیۍ له ځینو  نظامي ځاینو د لیدنې پر مهال هغوی ته ویلي چې له خلکو سره له نرم او مسلکي چلند څخه کار واخلي او له هغوی یې غوښتي چې ځانونه د نبوي ارشاداتو سره سم جوړ کړي.

د یادې ولسوالۍ د امربالمعروف مسؤلینو د یادو شویو نظامي ځاینو له مسؤلینو سره په ناستو کې لومړی هغوی ته د امربالمعروف وزارت له لوري د منکراتو د مخنیوي په موخه د ټاکل شویو اصولو له اورولو وروسته له هغوی غوښتي چې ور سپارل شوي مسؤلیتونه په پوره امانتداري سر ته ورسوي او له خلکو سره له نرم او مسلکي چلند څخه کار واخلي څو هغوی د نظام له لوري  ټاکل شویو قوانینو څخه سر غړونې ته مجبور نه شي.

محتسبینو دغه راز له هغوی غوښتي چې د امربالمعروف وزارت له لوري وضع کړی شوي قوانین په نظر کې ونیسي سیرت او صورت د نبوي ارشاداتو سره سم جوړ کړي .



د نظام غوښتنې او د امربالمعروف د قوانینو پلي کول د نظام د پایښت سبب ګرځي

شنبه، جمادی الثاني ۷، ۱۴۴۴

د امربالمعروف وزارت له لوري په نظامي ځایونو کې د منکراتو د مخنوي په موخه ټاکل شوي څو کسیز هیئت چې مشري یې د دې وزارت د ازاله منکراتو رئیس مولوي رازمحمد حامد پر غاړه د کابل پلچرخي (۳۱۳) مرکزي لېوا له مسؤلینو سره په تر تیب شوې ناسته کې هغوی ته وویل" د نظام غوښتنې او د امربالمعروف د قوانینو پلي کول د نظام د پایښت سبب ګرځي"

ناستې ته چې د لېوا رئیس ارکان(شیخ نقیب الله) او نور ګڼو مسؤلینو پکې ګډون در لود مولوي رازمحمد حامد وویل، که غواړو چې نظام مو پایښت وکړي نو لازمه ده چې د نظام غوښتنې او د امربالمعروف قوانین پر ځان او ټولنه په پوره توګه پلي کړو څو په نظام کې د منکراتو مخه ونیول شي او مسؤلین د ولس ریښتونی خدمت وکړي.

ښاغلي حامد همدا راز وویل: زموږ د لیدنو یوه موخه دا ده چې خپل ټاکل شوي قوانین تر مسؤلو چارواکو په سم ډول ور ورسو څو یې په پلي کولو کې ځنډ ونه کړي او د شته منکراتو مخه ونیول شي؛دښمن د تبلیغاتو له لارې غواړي د ولس او نظام تر منځ تفرقه را منځته کړي او زموږ ټاکلې پالیسي تر مسؤلینو او عامو وګړو په غلط ډول ور ورسوي.

هغه په همدې تړاو وویل، دامربالمعروف مسؤلین د چا توهین نه کوي بلکي پر ټولنه د الهي قوانینو پلي کول یې مسؤلیت دی.

ښاغلي حامد د خبرو په پای کې له مسؤلینو وغوښتل چې د بیت المال ساتنه وکړي او له بې ځایه استعمال څخه یېـډډه وکړي.

د ناستې په پای کې د لېوا رئیس ارکان شیخ نقیب الله د امربالمعروف وزارت له لوري راغلي استازي ته د ښه را غلاست تر څنګ په دې برخه کې د هر ډول مرستې ډاډ ورکړ او د لېوا له مسؤلینو یې وغوښتل چې پخپلو کامندانو د وزارت له لوري وضع کړی شوي قوانین په پوره توګه پلي کړي.

 


د امربالمعروف محتسبین: په ټولنه کې د منکرتاو مخنیوی او خلک له دیني احکامو خبرو د دیني عالمانو مسؤلیت دی

چهار شنبه، جمادی الاول۲۷، ۱۴۴۴

 د ننګرهار ولایت د دره نور ولسوالۍ د امربالمعروف د مسؤلینو له لوري د دیني عالمانو او قومي مخورو را بلل شوې ناستې ته د یادې ولسوالۍ د امربالمعروف محتسبینو په خبرو کې د امربالمعروف وزارت د منکراتو د مخنیوي په موخه د ټاکل شویو اصلو د اورولو تر څنګ هغوی ته وویل: د ټولنې د سمون مسؤلیت زموږ او ستاسې پرغاړه دی چې باید کارو ورته وکړو او خلک د نېکو کارونو کولو ته متوجه کړو.

دا ناسته چې پکې د سیمې دیني عالمانو او قومي مخورو پکې ګدون درلود د امربالمعروف محتسبینو وویل: موږ  او تاسې اړ یو چې په ټولنه کې د منکراتو او ناوړه رواجونو مخه ونیسو څو خلک د الهي احکامو پلي کولو ته متوجه شي او د بدو کارونو څخه ډډه وکړي.

هغوی همدا راز دیني عالمانو ته په خطاب کې وویل چې خلکو ته د اسلام او عباداتو لومړني احکام ور وښیي چې هغوی ورته په دې برخه کې پوره ډاد ورکړ او د یادو شویو قوانیتو د پلي کېدو ژمنه یې وکړه.


د پکتیا د دیني عالمانو شورا د دې ولایت د امربالمعروف له مسؤلینو سره ناسته وکړه

د پکتیا ولایت د د یني عالمانو ولایتي شورا، د دې ولایت د امربالمعروف د ریاست له مسؤلینو سره د ناستې پر مهال هغوی ته ویلي «ستاسو کار، په ټولنه کې د منکراتو مخنیوی او خلک نېکې لارې ته رهبري کول دي؛ چې دا د  ټولنې د اصلاح تر ټولو غوره لاره ده»

دا ناسته چې پکې د امربالمعروف د مسؤلینو سربېره، ډېری دیني عالمانو پکې ګډون درلود ، د یاد ولایت د د یني عالمانو ولایتي شورا رئیس ناستې ته پخپلو خبرو کې  وویل : د امربالمعروف محتسبین په ټولنه کې د منکراتو مخه نیسي او خلک نېکې لارې ته رهبري کوي چې؛ دا د ټولنې د اصلاح او سمون تر ټولو غوره لار ده او پر موږ لازمه ده چې په دې برخه کې یې مرسته وکړو او په ټولنه کې د شته منکراتو مخه ونیسو .

دغه راز د یاد ولایت، د امربالمعروف مسؤلینو د دې ولایت د دیني عالمانو څخه د مننې تر څنګ په دې برخه کې د همکاري غوښتنه وکړه او د هغوی همغږي یې د دعوت د بریا راز وباله.

هېره دې نه وي چې د ناستې په پای کې ددواړو لوریو د مسؤلینو له لوري په دې برخه کې د شته مشکلاتو پر حل خبرې وشوې او له یو بل سره یې د پوره همکاري ژمنه وکړه.


د امربالمعروف محتسبین: د ښوونځیو او دیني مدارسو تر منځ را منځ ته شوی واټن باید ختم شي

یکشنبه، جمادی الاول۲۴، ۱۴۴۴

د هلمند ولایت، د مرکز لښکر ګاه ښار، د امربالمعروف مسؤلینو د اهل هنود عالي لېسې له استادانو او شاګردانو سره، په دوو بېلو ناستو کې له استادانو غوښتي چې، د دیني مدارسو او ښوونځیو د زده کوونکو تر منځ علمي مسابقې جوړي کړي چې په خبره یې: د د یني مدارسو او ښوونځیو ترمنځ را منځ ته شوی واټن باید ختم شي.

د یادو لیدنو پر مهال، محتسبینو د یادې لېسې له استادانو د مننې تر څنګ له هغوی غوښتي چې، د دیني مدارسو او ښوونځیو د شاګردانو تر منځ دې علمي مسابقې جوړې کړي څو په دې برخه کې رامنځ ته شوی واټن ختم شي او هم یې له هغوی غوښتي چې د شاګردانو د علمي روزنې تر څنګ دې د هغوی اخلاقي روزنه وکړي.

په ورته وخت کې محتسبینو، د یادې لېسې له شاګردانو سره په ناسته کې هغوی درسونو ته وهڅول او له هغوی یې وغوښتل چې د خپلو درسي کتابونو تر څنګ د دیني او فکري کتابونو مطالعه وکړي او هغوی ته یې له خپل لوري د هر ډول مرستې ډاډ ورکړ.


د امربالمعروف مسؤلین: زده کوونکي له پردیوفکرونو خبرول او په اسلامي روحیه روزل یې  ستاسې استادانو مسؤلیت دی

شنبه، جمادی الاول۲۳، ۱۴۴۴

 د کابل شهري ریاست د یوولسمې حوزې محتسبینو د دې حوزې اړوند د شخصي  کورسونو او دولتي ښوونځیو له مسؤلینو سره په ترتیب شوېو اصلاحي ناستو کې هغوی ته ویلي چې د زده کوونکو له پاره د فکري او دیني درسونه شروع کړي څو هغوی له دیني احکامو خبر شي او په اسلامي روحیه وروزل شي.

په دې لیدنو کې د یادې حوزې محتسبینو د یادو شویو کورسونو او ښوونځیو له مسؤلینو سره د امربالمعروف وزارت له لوري په اړونده برخه کې د ټاکل شویو قوانیو له اورولو وروسته هغوی ته ویلي چې د دیني عالمانو په مرسته دې په ښوونځو او کورسونو کې د دیني او فکري درسونو لړۍ شروع کړي څو زده کوونکي له اسلامي احکامو خبر شي او په اسلامي روحیه وروزل شي چې په خبره یې«د راتلونکو نسلونو له دیني احکامو خبرول اود پردیو افکارو سره د مبارزې او هغوی ته اسلامي روحیه ورکول زموږ او ستاسې مسؤلیت دی چې باید په پوره اخلاص یې تر سره کړو»

هغوی همدا راز په دې لیدنو کې له هغوی غوښتي چې د ښځینه او نارینه زده کوونکو د درس او تګ راتګ ساحې جلا کړي او په دې برخه کې یې له هغوی د جدي پاملرنې غوښتنه وکړه چې هغوی ورته د یادوشویو غوښتنو او د امربالمعروف وزارت د ټاکل شویو قوانینو د پوره پلي کېدو ډاډ ورکړ.


د امربالمعروف مسؤلین: په نظامي او ملکي ادارو کې باید د مشر تابه او امر بالمعروف وزارت احکام پلي شي

پنجشنبه، جمادی الاول۲۱، ۱۴۴۴

د  ارزګان ولایت د دهراود ولسوالۍ د امربالمعروف محتسبینو د دې ولسوالۍ له نظامي ځایونو څخه د لیدنې پر مهال هغوی ته ویلي چې د مشر تابه  او د امربالمعروف وزارت د حکم پر اساس باید ځانونه د نبوي ارشاداتو سره سم جوړ کړي او  په نظامي لیکو کې د کم عمره او کل ږیرو کسانو له ګمارنې څخه ډده وکړي.

په دې لیدنو کې محتسبینو  دهغوی د کارونو د ارزونې تر څنګ له هغوی غوښتي چې سیرت او صورت د نبوي ارشاداتو سره سم جوړ کړي او خپل اوږده وېښتان اصلاح کړي .

محتسبینو همدا راز هغوی ته ویلي چې په نظامي لیکو کې د کم عمره او کل ږیرو کسانو له ګمارنې ډډه وکړي څو د مشرتابه او د دې وزارت احکام پلي او د منکراتو مخه نیول شوې وي . چې هغوی ورته په دې برخه کې د هر ډول مرستې ډاډ ورکړ او د یادو شویو قوانینو د پوره پلي کېدو ژمنه یې وکړه.


د امربالمعروف محتسبین: په ټولنه کې د منکراتو مخنیوی او د امربالمعروف پلي کول د ملا امامانو الهي مسؤلیت دی

دوشنبه، جمادی الاول۱۸، ۱۴۴۴

د کندز ولایت د امام صاحب ولسوالۍ د امربالمعروف مسؤلینو د دې ولسوالۍ له ملا امامانو او ولسي خلکو سره په اصلاحي ناستو کې له هغوی غوښتي چې دوی باید د امربالمعروف وزارت له لوري د ټولنې د اصلاح په موخه ټاکل شوي احکام پلي کړي او هم یې د یادې ولسوالۍ له ملا امامانو غوښتي چې خلکو ته باید د اسلام لومړني احکام ور وښیي او په ټولنه کې د امربالمعروف پر ارزښت خبرې ورته وکړي چې په خبره یې« دا مو الهي مسؤلیت دی».

د یادې ولسوالۍ د امربالمعروف محتسبیتو د دې ولسوالۍ د مسجدونو له ملا امامانو سره د همغږۍ او په ټولنه کې د اصلاح راوستو په موخه په بېلابېلو جوړیو شویو ناستو کې هغوی ته ویلي چې له دوی سره د ټولنې په اصلاح او د منکراتو په مخنیوي کې مرسته وکړي چې په خبره یې خلکو ته اسلامي احکام ور ښودل او په ټولنه کې امربالمعروف پلي کول یې الهي مسؤلیت دی.

د یادولو وړ ده چې د هیواد په ډېری ولایتونو کې د امربالمعروف د محتسبینو د ټولنې د سمون په موخه ناستې جریان لري چې د خلکو له درانه هر کلي سره مخ کېږي.


ولسي خلک د امربالمعروف کړنې ستایي او مرسته کول یې الهي مسؤلیت بولي

یکشنبه، جمادی الاول۱۷، ۱۴۴۴

د بغلان ولایت د بغلان مرکزي ولسوالۍ د امربالمعروف محتسبینو د دې ولسوالۍ په پنځو بېلابېلو لویو مسجدونو کې په اصلاحي ناستو کې خلکو ته د امربالمعروف او د اسلامي نظام پر ارزښت خبرې وکړې او په ټولنه کې امربالمعروف کول او له نظام سره همکاري یې د ټولو مسؤلیت وباله.

په دې اصلاحي ناستو کې چې د سیمې د عالمانو سربېره ډېری کسانو پکې ګډون درلود د امربالمعروف مسؤلینو وویل: امربالمعروف په ټولنه کې د منکراتو مخه نیسي او د مسؤلینو یې  لومړنۍ هڅه په ټولنه کې د الهي احکامو پلي کول او ټولنه له منکراتو ژغورل دي.

د یادولو ده چې د هیواد په ډېری ولایتونو کې د امربالمعروف وزارت له لوري اصلاحي ناستې جریان لري چې خلک د امربالمعروف کړنې ستایي او لاسنیوی یې الهي مسؤلیت بولي.


امربالمعروف مسؤلین: د زده کوونکو د علمي روزنې تر څنګ باید د هغوی اخلاقي روزنه هم وشي

شنبه، جمادی الاول۱۶، ۱۴۴۴

د هلمند ولایت د امربالمعروف مسؤلینو د دې ولایت مرکز لښکر ګاه ښار کې د امان الله خان عالي لېسې له زده کوونکو او ښوونکو سره په دوو بېلو ناستو کې استادانو ته ویلي: د زده کوونکو د علمي روزنې تر څنګ باید د هغوی اخلاقي روزنه هم وشي څو مو راتونکی نسل له اسلامي احکامو خبر او په دیني روزنه سمبال شي .

د دې ولایت د امربالمعروف رئیس د یادې لېسې له استادانو سره په ناسته کې هغوسی ته ویلي : د راتونکي نسل راتلونې ستاسې په لاسونو نو کې ده چې باید هغوی ته سالمه روزنه ورکړل شي. او له هغوی یې وغوښتل چې دوی باید د شاګردانو له پاره د فکري درسونواو فکري کتابونو د مطالعه کولو لړۍ پیل کړي څو زده کوونکي له اسلامي احکامو خبر او په اسلامي روحیه وروزل شي.

په ورته وخت کې د دې ولایت د امربالمعروف مسؤلینو د یادې لېسې زده کوونکو ته د خبرو پر مهال وویل: ستاسې کورنۍ او ټولنه له تاسې څخه د تعلیم تر څنګ د سالیمې روزنې هیله هم لري چې ستاسې چلند باید له عادي خلکو بېل وي چې دا چاره تاسو د دیني او فکري کتابونو په لوستلو او دیني عالمانو سره په ناسته  سر ته رسولی شئ.

محتسبینو همدا راز د یادې لېسې له زده کوونکو او ښوونکو وغوښتل چې سیرت او صورت یې باید له نبوي ارشاداتو سره سم وي چې هغوی ورته د هر ډول مرستې ډاډ ورکړ او د امربالمعروف وزارت کړنې یې وستایلې.


فراه ولايت د امر باالمعروف رئيس د شیخ ابونصر فراهي بندر له ګڼو چارواکو او ملي سوداګرو سره وکتل.

فراه باختر خبري آژانس

۰۴ / جمادي الاول / ۱۴۴۴

۰۷ / لیندۍ / ۱۴۰۱

فراه ولايت د امر باالمعروف او نهي عن المنکر ریاست رئيس مولوي عبدالمجید "صمیم" د دې ولایت د شیخ ابونصر فراهي بندر ته د یو ورځني سفر په ترڅ کې په داسې حال کې، چې د محتسبینو آمر سید فضل احمد اغا یې هم ملتیا کوله د یاد بندر د ګمرک له رئیس ملا شمس الحق، مرستیال کمیسار عبدالرحیم "مختار"، قوماندان جهادالله، د نرم استندرد رئیس مولوي احسان الله، استخباراتو مدیر مستري نور احمد، ملي سوداګرو او ډریورانو سره د یوې ناستې په ترڅ کې وکتل.

ښاغلي "صمیم" ناستې ته د وینا پر مهال وویل، چې د ټولو لپاره اړېنه ده، ترڅو د منکراتو د ورک کولو، معروفاتو د عملي کولو، له یو بل او په ځانګړې توګه له ولسي وګړو سره د ښه چلند په اړه د وس اړوند لارښوونې وکړو.

د یادونې وړ ده، چې د امر باالمعروف رئيس مولوي عبدالمجید "صمیم" تر دې یوه ورځ وړاندې د پشتکوه ولسوالي له مرستیال ولسوال مولوي "مسرور"، امنیه قوماندان "مخلص اغا" او استخباراتو مدیر حافظ "ضرار" سره هم ولیدل.


د امربالمعروف مسؤلین:دیني مدارس او ښوونځي د یوې سیکې دوه مخونه دي.

یکشنبه، جمادی الاول۳،  ۱۴۴۴

د هلمند ولایت د نهر سراج ولسوالۍ د امربالمعروف مسؤلینو د دې ولسوالۍ په يوه دیني مدرسه کې د حافظانو د دستار بندي په مناسبت جوړې شوې جلسې ته په خبرو کې وویل:" د دیني مدارسو  شاګردان باید د دیني زده کړو تر څنګ عصري زده کړې هم وکړي چې موږ له دوی څخه د یوه ډاکټر، معلم تمع هم ولرو چې په دې سره به په تعلیمي بهیر کې را منځته شوې خلاع هم ختمه شي  او دا به د یوې سیکې دوه مخومه شي"

دې جلسې ته د امربالمعروف محتسبینو  چې دسیمې د علماو او قومي مخورو سر بېره د سیمې ځوانانو پکې ګډون درلود وویل: د تعلیمي چارو د مسؤلینو لومړنۍ هڅه دا ده چې  د دیني مدارسو او عصري ښوونځیو تر منځ رامنځته شوی واټن ختم کړي. چې په خبره یې " دا د یوې سیکې دوه مخونه دي او بېلېدل یې ناممکن کار دی.

د یادولو ده چې د سیمې علماو، قومي مخورو د خپلو خبرو تر څنګ د امربالمعروف وزارت کړنې وستایلې او دوی ته یې د هر ډول مرستې ډاډ ورکړ.


د امربالمعروف مسؤلین: ولس زموږ مرستې ته اړ دی؛ چې باید ستونزې یې پر وخت حل شي

یکشنبه، جمادی الاول۳، ۱۴۴۴

 د ارزګان ولایت د چهارچینو ولسوالۍ د امربالمعروف مسؤلینو په یو وخت له دیني مدارسو  او نظامي ارګانونو څخه د لیدنې پر مهال نظامي مسؤلینو ته ویلي چې دوی دې لمنځونه په جماعت سره ادا کړي او له  خلکو سره دې له نېک او نرم چلند څخه کار واخلي .

د یادې ولسوالۍ د امر بالمعروف محتسبینو د وزارت د لایحې مطابق   له نظامي مسؤلینو سره په خبرو کې وویل چې له نظامي لیکو کم عمره او کل ږیري کسان وایستل شي او کم عمره کسانو ته  د درس ویلو زمینه  برابره شي.

هغوی همدا رنګه وویل چې صورت او سیرت د نبوي ارشاداتو سره برابر جوړ کړي، لمنځونه په جماعت سره ادا کړي  او له خلکو سره له نرم او مسلکي چلند نه کار واخلي څو هغوی له نظام سره هر ډول مرستې ته ژمن و اوسي.

په ورته وخت کې هغوی له دیني مدارسو څخه د لیدنې پر مهال د مدارسو استادانو ته په خبرو کې ویلي:  د ټولنې د سمون مسؤلیت موږ او تاسې ته متوجه دی چې باید هغوی د اسلام او عباداتو له لومړنیو احکامو خبر کړو او له منکراتو یې وژغورو.


د امربالمعروف مسؤلین: په اوامرو کې اطاعت مو د بریا لومړنی راز دی

شنبه، جمادی الاول ۲، ۱۴۴۴

د ننګرهار ولایت د چپر هار ولسوالۍ د امربالمعروف مسؤلینو د دې ولسوالۍ په مقام کې له نظامي مسؤلیو سره په ناسته کې وویل: د ا.ا د بریار زاز په اطاعت او یووالي کې دی نو په همدې اساس موږ باید د مشرتابه له لوري راکړل شوي احکام په پوره توګه پلي کړو او په ټولنه کې د منکراتو مخه ونیسو.

محتسبینو په یاده ناسته کې د دې ولسوالۍ  له نظامي مسؤلینو او د  دعوت ارشاد له رئیس نه  وغوښتل چې کارمندانو  ته د عباداتو لومړني احکام ور وښي او سیرت او صورت له نبوي ارشاداتو سره برابر جوړ کړي.

هغوی همدا راز د یادې ولسوالۍ مسؤلو کسانو ته په خبرو کې  وویل چې دوی باید کم عمره او کل ږیره کسان نظامي لیکو ته داخل نه کړي څو د منکراتو مخه ونیول شي او د مشرتابه  امر پر ځای شي .


د امربالمعروف مسؤلین: له خلکو سره له نرم او مسلکي چلند نه کار واخلئ

پنجشنبه، ربیع الثاني ۲۹، ۱۴۴۴

 د خوست ولایت د امربالمعروف مسؤلینو د دې ولایت د اداري مسؤلینو، د کارونو د میاشتنۍ ارزونې په ناسته کې هغوی ته وویل: د کارونو په تر سره کولو کې له شفافیت او مسلکي چلند  څخه کار واخلئ، څو ولسونه راضي او حق حقدار ته ورسېږي.

د خوست ولایت، د امنیه قومنداني د مسؤلینو له لوري، د دې ولایت د نظامي مسؤلینو د یوې میاشتې د کارونو د ارزونې په موخه جوړې شوې ناستې ته چې پکې د دې ولایت ډېری مسؤلینو ګډون درلود د امربالمعروف مسؤلینو وویل:" دولتونه هغه وخت پایښت مومي چې چارواکي یې له خلکو سره له نرم او مسلکي چلند څخه کار واخلي او حق حقدار ته وسپاري چې په دې سره ولسونه ځانونه امن بولي او له نظام سره همکاري ته هڅېږي"

ورپسې ،د ناستې په جریان کې د اړوند ادارو د مسؤلینو له لوري، د تېرې اونۍ کاري راپورونه او لاسته راوړنې د ګډون کوونکو سره شریکې شوې چې د دې ولایت، امنیه قومندان د امنیتي چارواکو هڅې وستایلې او دوی یې د ولسونو د خونیتوب له پاره د لا ښه خدمت په موخه وهڅول.


د امربالمعروف د مسؤلینو له لوري په ډېری ولایتونو کې غیر فعال مسجدونه فعال او ملا امامان ورته مقرر شول.

دوشنبه، ربیع الثاني۲۶، ۱۴۴۴

د ارزګان ولایت د امربالمعروف مسؤلینو د دې ولایت په مختلیفو ولسوالیو کې د دیارلس بابه مسجدونو د لیدنې او نظارت تر څنګ دوه بابه غیر فعال مسجدونه بېرته له سره فعال او ملا امامان ورته مقرر کړل.

محتسبینو د یادو شویو مسجدونو له ملا امامانو غوښتي چې دوی باید خلکو ته د منبرونو له لارې د عباداتو او نورو شرعي احکامو درسونه ورکړي څو خلک له دې احکامو خبر شي او په ټولنه کې د منکراتو مخه ونیول شي.

په ورته وخت کې د یاد ولایت د محتسبینو له لوري د دوه بابه غیر فعال مسجدونو له پاره ملا امامان مقرر شول چې د یادو مساجدو ملا امامانو ته به میاشتنی معاش د سیمې د اوسېدونکو له لوري ورکول کېږي.

د یادولو ده چې د امربالمعروف وزارت د مسؤلینو له لوري په دې ورستیو کې په  پلازمېنه کابل کې د اذان له پاره د لاوډسپیکرونو له نصبولو وروسته د هیواد په ټولو ولایاتو کې ډېری غیر فعال مسجدونه بېرته له سره فعال او ملا امامان ورته مقرر شول.


ارزګان ولایت کې د امربالمعروف د محتسبینو له لوري (۱۸) مسجدونه فعال شول

شنبه، ربیع الثاني۲۴، ۱۴۴۴

 د ا.ا.ا له قیام وروسته  او د امربالمعروف وزارت د فعالیتونو په جریان کې د ارزګان ولایت  د محتسبینو په مرسته د دې ولایت د مرکز په شمول په بېلابېلو ولسوالیو  کې اتلس مسجدونه فعال او دروازې یې د لمونځ کوونکیو پر مخ خلاصې شوې.

د دې ولایت دامربالمعروف د محتسبینو د کړنو په نتېجه کې د یاد ولایت په مرکز ترین کوټ سربېره دهراود، شهید حساس،چنارتو ،خاص ارزګان، ګېزاب، او چوره ولسوالیو کې  اتلس مسجدونه بېرته له سره فعال او ملا امامان ورته مقرر شول چې د دې مسجدونو ملا امامانو ته میاشتنی معاش د سیمې اوسېدونکي ورکوي.

همد راز د دې  مسجدونو امامان د امامت تر څنګ د سمیې ماشومانو ته دیني زده کړي ورښیي او د لومړنیو زده کړو ټولګي هم پکې شروع دي.

د یادولو ده چې د پلازمېنې کابل په شمول د هیواد په ډېری ولایتونو  کې د  امربالمعروف د مسؤلینو په مرسته ډېری غیر فعال مسجدونه فعال شوي چې ولسي خلک یې له کړنو راضي دي.


کندز کې د امربالمعروف فعالیتونه په چټکي سره روان دي

شنبه، ربیع الثاني۲۴، ۱۴۴۴

د کندز  ولایت د امام صاحب ولسوالۍ د امربالمعروف مسؤلینو د دې ولسوالۍ له دوکاندارنو سره په اصلاحي لیدنو کې له هغوی غوښتي چې دوی باید د جمعې د لمانځه پر وخت خپل دوکانونه وتړي او د سلمانیو له  مسؤلینو یې غوښتي چې په دې برخه کې د امربالمعروف وزارت صادر کړی شوي احکام په پوره توګه پلي کړي.

محتسبینو د دې لیدنو پر مهال  د دوکانونو له مسولینو غوښتي چې دوی دې د جمعې په ورځ دوکانونه وتړي او لمنځونه دې پر جماعت ادا کړي او د سلمانیو له مسؤلینو یې غوښتي چې د وزارت له لوري په ټاکل شوې لایحه عمل وکړي  څو الهي احکام پلي شي او د منکراتو مخه ونیول شي.

د یادولو ده چې ولسي خلک له دې فرمانه خوښي ښیي او د امربالمعروف مسؤلینو ته د هر ډول مرستې ډاډ ورکوي.


د امربالمعروف مسؤلین: له خلکو سره له نرم او مسلکي چلند نه کار واخلئ

شنبه، ربیع الثاني۲۴، ۱۴۴۴

د هلمند ولایت د امربالمعروف مسؤلینو د دې ولایت د زراعت، برېښنا او د مخدره توکو پر وړاندې د مبارزې ریاستونو له مسؤلینو سره په اصلاحي ناستو کې هغوی ته ویلي چې دوی باید سیرت او صورت د نبوي ارشاداتو مطابق جوړ کړي او له خلکو سره له نرم او مسلکي چلند نه کار واخلي او شته ستونزو ته یې حللارې ولټوي.

هغوی په ورته وخت کې د مخدره موادو پر وړاندې د مبارزې ریاست له مسؤلینو وغوښتل چې دوی باید تر ټولو خپلې دندې ته متوجه واوسي ځکه له دې لارې د ټولنې وګړي د تباهۍ په لور ځي او د مخدره موادو د زیاتېدو په صورت کې د منکراتو کچه لوړېږي.

دا په داسې حال کې ده چې د امربالمعروف د مسؤلینو له لوري د هیواد په ټولو ولایاتو کې له اداري مسؤلینو سره د اصلاحي لیدنو لړۍ روانه ده چې اداري مسؤلین دا چاره په اداري سیستم کې د منکراتو د مخنیوي تر ټولو غوره لار بولي.


د امربالمعروف وزارت د محتسبینو په مرسته د کابل ښار په بېلابېلو سیمو کې (۴۰۰)بابه مسجدونه فعال شول.

پنج شنبه، ۲۲، ۱۴۴۴

د دې وزارت د محتسبینو له لوري د کابل ښار په بېلابېلو سیمو کې  څلور(۴۰۰) بابه مسجدونه فعال شول چې له دې کاره یې موخه هغو هټۍ والو  ته د اسانتیاو  برابرول دې چې له جامع مسجدونو لرې وي.

په دې هکله د امربالمعروف وزارت ویاند عاکف مهاجر وایې چې موخه یې هیوادولو ته د اسانتیاو برابرول دي چې په  دې اساس یې د کابل ښار په بېلابېلو سیمو کې (۴۰۰) بابه مسجدونه فعال کړل چې له  جملې یې د (۲۶۹) مسجدونو دروازې د لمونځ کوونکیو پر مخ خلاصې دي او پاته نور یې د تیارېدو په حال کې دي.

په دې تړاو د تایمني سیمې د بینظیر د واده تالار مسؤل وایې : د امربالمعروف وزارت د محتسبینو په مرسته مو په تالار کې د ښځینه و او نارینه و له پاره ځانګړي مسجدونه جوړ کړل  چې په دې سره به راتلونکي کسان له ستونزو وژغورل شي او لمنځونه به پر وخت ادا کوي.


دیني عالمان؛ اسلامي امارت ته کار کول او په ټولنه کې د منکراتو مخنیوی، د هر مؤمن مسؤلیت دی

یکشنبه، ربیع الثاني ۱۸، ۱۴۴۴

د لوګر ولایت د امربالمعروف مسؤلینو د دې ولایت د ازرې ولسوالۍ د مختلیفو مسجدونو له ملا امامانو سره د همغږي په پار په جوړې شوې ناسته کې له هغوی غوښتي چې دوی باید خلکو ته د اسلامي نظام پر ارزښت او اهمیت خبرې وکړي او اسلامي احکام خلکو ته ور زده کړي.

محتسبینو وویل: د ټولنې د جوړښت مسؤلیت دیني عالمانو ته متوجه دی چې دوی باید خلک په الهي احکامو خبر کړي او په ټولنه کې د منکراتو مخه ونیسي.

هغوی همدا راز د سیمې علماو ته په خطاب کې وویل: دا نظام د الله جل جلاله نعمت او د  بې شمېره عالمانو او فدایانو د وینو ثمره چې باید د دې لوی نعمت شکر ادا شي او خلک یې مرستې او همکاري ته وهڅول شي.

هېره دې وي چې د یادې ولسوالۍ دیني عالمانو د امربالمعروف کړنې وستایلې او په ټولنه کې د منکراتو مخنیوی او له اسلامي امارت سره همکاري  یې د هر مؤمن مسؤلیت وباله چې باید د ټولنې په پرمختګ او جوړښت کې کار وکړي او ټولنه له منکراتو وژغوري.


د امربالمعروف مسؤلین؛ دا نظام الهي نعمت دی چې پر موږ یې ساتل او خدمت کول لازمي دي

شنبه، ربیع الثاني۱۷، ۱۴۴۴

د هلمند ولایت د امربالمعروف مسؤلینو د نهمې حوزې اړوند دوولسو مختلیفو مسجدونو کې خلکو ته د اسلامي نظام پر ارزښت، دلمانځه پر جماعت سره د ادا کولو پر ارزښت او د منکراتو پر پرېښودو مفصلې خبرې وکړې.

هغوی دیادې حوزې له اوسېدونکو سره په اصلاحي ناستو کې د اسلامي نظام د ارزښت په تړاو پخپلو خبرو کې وویل: دا نظام د الله جل جلاله نعمت او د شهیدانو د وینو ثمره ده چې پر موږ یې ساتل او خدمت کول لازمي دي.

دغه راز محتسبینو د یادو مسجدونو له ملا امامانو نه وغوښتل چې خلک د لمانځه پر جماعت سره ادا کولو ته وهڅوي او د نورو منکراتو پر پرېښودو یې امر کړي څو ټولنه له منکراتو خلاصه او الهي احکام پر ځای شي.


د امربالمعروف مسؤلینو د کابل سرې میاشتې عمومي ریاست نه لیدنه وکړه

سه شنبه،ربیع الثاني۱۳، ۱۴۴۴

د امربالمعروف وزارت د ازاله منکراتو ریاست له لوري په دولتي ادارو کې د منکراتو د مخنیوي په پار ټاکل شوي هیئت د کابل سرې میاشتې له عمومي ریاست نه د لیدنې پر مهال هغوی ته ویلي چې دوی باید پخپلو ښځینه کارمندانو حجاب رعایت کړي او د هغوی کاري ساحه ورته ځانګړې کړي.

یاد هیئت لومړی د دې ریاست د دعوت ارشاد رئیس مولوي ګل الرحمن او عمومي رئیس مولوي مطیع الله خالص سره د هغه کار ځای کې وکتل او د امربالمعروف وزارت طرزالعمل او د کارمندانو اړوند قوانین ورسره شریک کړل.

محتسبینو وویل:کوم اصول چې موږ ټاکلي دا الهي قوانین دي چې باید په ټولنه کې پلي شي او د دغو قوانینو تر چتر لاندې خپلو کارونو ته ادامه ورکړي هغوی په همدې تړاو زیاته کړه:  موږ د هیچا د کارونو مخه نه نیسو بلکې زمینه ورته برابرو چې خلک خپل کارونه وکړي او هوسا ژوند وکړي.

دغه راز هغوی د یاد ریاست له مسؤلینو وغوښتل چې دوی باید پخپلو ښځینه کارمندانو حجاب وکړي او د هغوی کاري ساحه ځانګړې کړي.


د امربالمعروف مسؤلین؛ امربالمعروف د بشر د فطري غوښتنو غږ دی.

سه شنبه،ربیع الثاني۱۳، ۱۴۴۴

د خوست د شیخ ذاید پوهنتون د حقوقو د پوهنځي د محصلینو له لوري د تمثيلي محکمې نندارې ته د وړاندې کېدو په  پار رابلل شوې غونډې ته د یاد ولایت دامربالمعروف مسؤلینو وویل: امربالمعروف د بشر د فطري غوښتنو غږ دی او  زموږ لومړنۍ هڅه په ټولنه کې د منکراتو مخنیوی ده خو دا چاره هغه وخت سر ته رسېدلی شي چې په ټولنه کې په عدل ولاړې محکمې موجودې وي او نظام د ولسونو دې اړتیا ته پوره پاملرنه وکړي، چې لله الحمد د ا.ا.ا دغې برخې ته پوره توجه کړې. 

دا ناسته چې د یاد پوهنتون د حقوقو او سیاسي علومو پوهنځي محصلینو له لوري دپوهنتون په ابوحنیفه رح تالار کې جوړه شوې وه چې پکې د دې پوهنځي د حقوقو او سیاسي علومو پوهنځي رئیس پوهندوی محمد شفیق مندوزي،د د یاد ولایت د امربامعروف مسؤلینو، د اداري چارو مرستیال مولوي محمد شفیق رشاد، د محصلانو چارو رئیس پوهنیار مجاهد همتیار، دحقوقو او سیاسي علومو استاد پوهنمل پاڅون میاخېل او نورو ګڼو مسؤلینو او محصلینو پکې ګډون درلود.

ناستې ته د امربالمعروف مسؤلینو په خبرو کې وویل: زموږ لومړنۍ هڅه په ټولنه کې د منکراتو مخه نیول دي او دا چاره هغه وخت ښه سر ته رسېدای شي چې په ټولنه کې په عدل ولاړ محاکم موجود وي چې لله الحمد د ا.ا.ا د خلکو دې اړتیا ته پوره پاملرنه کړې او د خلکو ستونزو ته حللارې لټوي.

هغوی همدا راز د علم پر اهمیت او د محصلینو د تشویق اړوند وویل: د ا.ا د شرعي اصلو په رعایتولو سره د زده کړیز بهیر  ټولو اصلو ته ژمن دی او لومړنۍ هڅه یې همدا ده چې هیوادوالو ته د نړۍ په سطحه مواد او وسایل تیار کړي څو هیواد وال په ښه توګه خپلو زده کړو ته دوام ورکړي.

دغه راز ناستې ته د یاد پوهنتون د حقوقو او سیاسي علومو پوهنځي رئیس پوهندوی محمد شفیق مندوزي ګډونوالو ته د ښه راغلاست  ویلو تر څنګ زیاته کړه:  د بشر فطري او بنسټیزه غوښتنه همدا ده چې په سالمه او له جرایمو په پاکه ټولنه کې ژوند وکړي؛  چې دا ډول ټولنې ته موږ هغه وخت رسېدالی شو، چې په عدل او انصاف ولاړ محاکم ولرو چې دا چاره د ا.ا  ښه تر سره کړې او د خلکو ستونزو ته پر وخت رسیدګي کوي.

د ناستې په پای کې ګډون والو ته تمثیلي ټوټه وړاندې شوه او د لیدونکو د خوښې وړ  وګرځېده او د محصلینو دا کار یې د ستایلو وړ وباله.


د سیمې دیني عالمان؛ امربالمعروف په ټولنه کې داصلاح تر ټولو غوره لار ده
یکشنبه،عقرب ۱۵، ۱۴۰۱

د لوګر ولایت د امر بالمعروف مسؤلینو د دې ولایت د جهادي دیني مدرسې څخه  د لیدنې پر مهال مسؤلینو ته په خبرو کې وویل: د تدریس تر څنګ علماء  په ټولنه کې دا مسؤلیت لري چې خلک له منکراتو را وګرځوي او په نېکیو امر ورته وکړي!

د یاد ولایت د امر بالمعروف مسؤلینو د دې ولایت د جهادي دیني مدرسې له شیخو او علماء کرامو سره د همغږي په پار په شوې ناسته کې له هغوی غوښتي چې دوی باید په ټولنه کې د شته منکراتو مخه ونیسي او خلک نېکې لارې ته رهبري کړي.

محتسبینو په همدې تړاو زیاته کړه:  زموږ ټولنه تر بل هر چا د د دیني علماو خبرو ته ښه غوږ نیسي او عملي کوي یې نو په همدې اساس د مسجدونو امامان باید خپل مسؤلیت په ښه ډول سر ته ورسوي تر څو ټولنه له منکراتو وژغورل شي.

هېره دې نه وي چې د یادې دیني مدرسې علماو ورته د هر ډول مرستې ډاډ ورکړ او د دوی کړنې یې د ستایلو وړ وبللې.

 


لوګر کې د امربالمعروف فعالیتونه په چټکي سره روان دي

چهار شنبه،عقرب۴، ۱۴۰۱

د لوګر ولایت د امربالمعروف مسؤلینو د یاد ولایت مرکز پول علم بازار له ځینو هوټلونو او خوراکه پلورنځیو او سلمانیو د لیدنې پر مهال له هغوی غوښتي چې دوی باید د جمعې په ورځ دوکانونه وتړي اوځانونه تر جماعته ورسوي.

محتسبینو  له هغوی غوښتي چې د جمعې په ورځ خپل دوکانونه وتړي او لمنځونه په جماعت سره ادا کړي ځکه دا الهي حکم او د مشرتابه امر دی .

هغوی همدار نګه د سلمانیو له مسؤلینو غوښتي چې د وزارت له لایحې سره سم خپلو کارونو ته دوام ورکړي تر څو په ټولنه کې د منکراتو مخه ونیول شي او د وزارت وضع کړی شوي اصول پلي شي.


مولوي حامد: زموږ لومړنۍ هڅه  پر دولتي چارواکو د فرامینو پلي کول دي څو په ټولنه کې عدل حاکم شي

چهار شنبه،ربیع الاول۲۳، ۱۴۴۴

 د امربالمعروف وزارت له لوري په نظامي برخه کې د منکراتو د مخنیوي په موخه ټاکل شوي څو کسیز هیئت چې مشري یې د دې وزارت د ازاله منکراتو رئیس مولوي رازمحمد حامد پر غاړه وه نورستان ولایت ته د یو رسمي سفر پر مهال یوې لویې ناستې ته په خبرو کې ویلي:دامربالمعروف مسؤلین په ټولنه او نظام کې د منکراتو د مخنیوي مسؤلین دي چې دا چاره باید ترسره کړي نو  موږ غواړو چې لومړی دا قوانین په دولتي مسؤلینو پلي کړو تر څو عام وګړي د هغوی لاره تعقیب کړي او عدل حاکم شي.

ناستې ته د امربالمعروف د ازاله منکراتو رئیس مولوي رازمحمد حامد  چې پکې د امربالمعروف د مسؤلینو سربېره د یاد ولایت والي حافظ محمد اغا حکیم،د والي معاون مولوي فیصل مختار،دملي امنیت رئیس فقیر محمد حنیف،امنیه قومندان مفتي محمد یوسف،د امنیت امر حاجي محمد یاسین او نورو ګڼو مسؤلینو ګډون درلود وویل: امربالمعروف، مانا په ټولنه کې د منکراتو مخه نیول او خلک سمې لارې ته رهبري کول په مدې اساس زموږ لومړنۍ هڅه همدا ده چې یاد قوانین لومړی پر دولتي چارواکو پلي کړو چې دا به عامو خلکو ته مثال وي او په ټولنه کې به عدل شوی وي.

ښاغلي حامد په همدې تړاو زیاته کړه عام وګړي موږ ته ګوري او زموږ کارونه تکراروي نو موږ باید تر هر چا لومړی د ځان اصلاح وکړو چې ټولنه یې تکرار کړي چې په دې سره به په ټولنه کې د منکراتو مخه نیول شوې وي او دا د نظام د پایښت تر ټولو غوره لار ده.

دغه راز د ناستې په پای کې د یاد ولایت والي ښاغلي حافظ محمد اغا حاکم یاد هیئت ته د ښه را غلاست تر څنګ  د ولایت پر ټولو ارګانونو غږ وکړ چې د امربالمعروف وزارت له لوري د منکراتو د مخنیوي په پار صادر کړی شوي فرامین ژر تر ژره پلي کړي او د شته منکراتو مخه ونیسي او  د مشرتابه او امربالمعروف وزارت د حکم پر اساس یې  له مسؤلینو وغوښتل چې په نظامي لیکو کې د کم عمره او کل ږیریو کسانو له استخدام نه ډډه وکړي.


ولسي وګړي؛ موږ د امربالمعروف وزارت له کړنو راضي یو او دا دټولنې د اصلاح او یووالي غوره لار ده

شنبه،ربیع الاول ۱۹، ۱۴۴۴

د پکتیکا ولایت د امربالمعروف مسؤلینو د دې ولایت د مرکز په شمول په ډېری ولسوالیو کې د امربالمعروف وزارت له لوري د تازه صادر شوي حکم پر اساس له خلکو غوښتي چې دوی دې د جمعې په ورځ دوکانونه وتړي او لمونځونه دې په جماعت سره ادا کړي، چې ځایي خلک له دې فرمانه خوښي ښیي او دا د ټولنې د اصلاح او امن تر ټولو غوره لار بولي.

د یاد ولایت محتسبینو دسیمې له خلکو سره په اصلاحي غونډو کې د دې وزارت دنورو فرامینو د اورولو تر څنګ له دوی غوښتي چې دوی باید د جمع‌ په ورځ خپل دوکانونه وتړي  او لمنځونه په جماعت سره ادا کړي.

هېره دې نه وي چې په ټول هیواد کې ځایي خلک له دې فرمانه خوښي ښیي او دا د اتحاد او په ټولنه کې د منکراتو د مخنیوي ښه لار بولي.


د امربالمعروف مسؤلین؛ کومې رسنۍ چې د دې نظام تر چتر لاندې دې د هغو دمنفي تبلیغاتو مخه باید ونیول شي 

یکشنبه،ربیع الاول،۱۳،  ۱۴۴۴

د لوګر ولایت د امربالمعروف مسؤلینو د دې ولایت د اطلاعاتو او کلتور ریاست  له رئیس سره په ناسته کې له هغوی غوښتي: امربالمعروف داخلي او بهرني دښمنانو ته خطر دی او نه غواړي چې داسې یو ارګان دې په سم ډول خپل فعالیت وکړي نو له تاسو  مو هیله د چې د عامه ذهنیت په جوړولو کې له موږ سره مرسته وکړئ تر څو د یاد وزارت کړنې او اهداف په سمه توګه د ټولنې تر وګړو ورسېږي.

ناستې ته د امربالمعروف مسؤلینو  چې پکې ډېری دولتي مسؤلینو ګډون درلود وویل: امربالمعروف د یوې اسلامي ټولنې روح دی. زموږ لومړني هڅه همدا ده کوم څه چې موږ په ولس پلي کول غواړو لومړی یې باید دولتي چارواکي پلي کړي چې وروسته یې ولس ته د مثال په توګه وړاندې کړو.

هغوی همدا راز د یاد ریاست مسؤلینو ته په خطاب کې وویل: د هیواد په دننه او بهر کې ځینې مغرضې کړۍ دا غواړي چې موږ د خلکو په وړاندې بد معرفي کړي او هڅه کوي زموږ هرکړنه خلکو ته غلطه تعبیر کړي نو له تاسو مو هیله ده چې په عامه ذهنیت جوړولو کې او د دې وزارت پر فعالیتونو د خلکو په سمه توګه خبرولو کې له موږ سره مرسته وکړئ او د هغو رسنیو مخه باید ونیول چې د نظام تر چتر لاندې منفي تبلیغات کوي.

هېره دې نه وي چې هغوی ورته د هر ډول همکاري ډاډ ورکړ او د دوی پر کړنو یې خوښي څرګنده کړه


جوزجان کې اووه ورځنی روزنیز سمینار پای ته ورسېد

پنج شنبه، ربیع الاول۱۰، ۱۴۴۴

د امربالمعروف وزارت د اصلاح او روزنې ریاست  لخوا په جوزجان ولایت کې  محتسبینو ته دلارښوونې او ضرفیت لوړاوي په موخه اووه ورځنی سمینار پای ته ورسېد.

دا سمینار چې په  جورجان ولایت کې د سرپل،فاریاب،ولایتونو د محتسبینو  امرینو پکې ګډون درلود پای ته ورسېد.

دې سمینار ته د اصلاح اوروزنې ریاست دریو تنو شیخو ( مفتي جماالدین مدني،شیخ حبیب الله معتصم،شیخ محمد ابراهیم) پخپلو خبرو کې ګډون والو د مشرتابه فرامین تشریح کړل او هغوی ته یې  د امانتداري او په اسلام کې یې په اهمیت خبرې  وکړې او په بیت المال کې یې د خیانت کولو زیانونه بیان کړل.

د سمینار په پای کې د یاد وزارت د محتسبینو د اصلاح او روزنې رئیس مولوي محمد یحیی عارف   له محتسبینو وغوښتل چې له خپلو ملګرو او عامو وګړو سره مو باید  چال او چلند نیک او احسن وي چې په خبره یې تر څو ستاسې دعوت او تبلیغ په ټولنه کې مؤثر تمام شي.

هغه دغه راز له محتسبینو وغوښتل چې دولتي مسؤلینو او عامو وګړو ته د اتحاد او یو والي ګټې بیان کړي او خلک دې یووالي ته راوبولي.

هغه همدارنګه وویل د اسلامي نظام دوه اهداف وه چې یو د اشغال خاتمه او بل د اسلامي نظام قایمول وه چې اوس الحمدالله اشغال پای ته رسېدلی او د اسلامي نظام قایمول او ساتل زموږ او ستاسې مسؤلیت دی چې باید تر سره یې او په راکړل شویو دندو کې له غفلت نه ځان وساتو.