د ورزش ادارې د دعوت او ارشاد رئیس د فدراسیونونو له استازو سره وکتل

fazli_admin
یکشنبه ۱۴۰۴/۶/۹ - ۱۰:۲۱
d_dwt_arshad_ryys_srh_wrzsh_adary_srh_wktl.jpg

د المپیک، بدني روزنې او ورزش لوی ریاست اړوند د دعوت او ارشاد رئیس او د امر بالمعروف او نهې عن‌المنکر قانون د تنفیذ کمېټې، د همغږۍ او اصلاحي سپارښتنو په موخه د هېواد د ټولو ورزشي فدراسيونونو له رئیسانو او استازو سره د المپیک کمېټې د غونډو په تالار کې ناسته وکړه.

ناسته کې د دعوت او ارشاد رئیس مفتي داد محمد بریال عطایي د ورزش په برخه کې د یاد ریاست سپارښتنې بیان کړې. او د ټولو فدراسيونونو له مسؤولینو یې د جدي مراعت غوښتنه وکړه.

نوموړي ټینګار وکړ، چې ټول مسؤلين دې خپلو ورزشکارانو ته د ورزش پر مهال د اسلامي اصولو، د عورت د پټولو او د لمانځه د پابندۍ سپارښتنه وکړي.

ناسته کې همدا راز نورو مسؤولینو په خپلو خبرو کې ټينګار وکړ، چې د ورزش او ټولنیز ژوند په هره برخه کې اسلامي اصول مراعت او نورو ته هم د هغوی د مراعت لارښوونه د ټولو ګډ شرعي مسؤولیت دی.

بل خوا د فدراسیونو استازو د یادې ناستې په جوړېدا خوښي وښوده او ډاډ یې ورکړ، چې شوې سپارښتنې به په بشپړ ډول په پام کې نیسي او تر نورو به یې رسوي.

یاده دې وي، چې په پای کې د دعوت او ارشاد ریاست له لوري د ورزشي کلبونو لپاره ځانګړې شوې سپارښتنې او لارښوونې، پر ګډون والو ووېشل شوې.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS