د لوګر ولایت محتسبینو په بدو کې د یوې نجلۍ د ورکړې مخه ونیوله

fazli_admin
یکشنبه ۱۴۰۴/۴/۱۵ - ۹:۷
lwgr_-_jlwgyry_az_dadn_yk_dkhtr-pshtw.jpg

د لوګر ولایت اړوند خوښي ولسوالۍ کې محتسبینو د یوې نجلۍ په بدو کې د ورکړې مخه ونیوله.

د یادې ولسوالۍ د امر بالمعروف، نهې عن المنکر او شکایتونو اورېدلو محتسبینو وزارت ته وویل چې د قتل دا قضیه له مخکې د دواړو خواوو ترمنځ موجوده وه چې بلاخره یې په دې تصمیم نیولی وو چې د قضیې د خلاصون لپاره به مقابل لوري ته نجلۍ په بدو کې ورکوي.

محتسبینو د موضوع په اړه سمدستي اقدام وکړ او دواړو اړخونو سره یې جلا جلا ناستې ترسره کړې. او د دې کار په بدو پایلو یې ورته خبرې وکړي او نوموړو ته یې وویل چې د دې کار په ترسره کولو سره د یوې بې ګناه او مظلومي خور حق تر پښو لاندې کېږي او اسلامي شریعت دې کار ته اجازه نه ورکوي

محتسبینو څرګنده کړه چې د بدو په توګه د نجلۍ ورکول د شریعت خلاف کار دی او هیڅوک حق نه لري چې په داسې غیرشرعي ډول د یوې مسلمانې خور حقونه تر پښو لاندې کړي.

محتسبینو دواړو اړخونو ته خبرداری ورکړ چې که چیرې په راتلونکي کې داسې ناوړه کړنې تکرار شي، نو د اسلامي امارت له خوا به پرې سخت شرعي او عدلي اقدامات وشي.

د یادلو ده چې محتسبینو د یادې دښمنۍ د حل په موخه یوه کميټه وټاکله چې موضوع د اسلامي شریعت په رڼا کې حل او فصل کړي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS