د زابل محتسبین: لوبغاړې باید د لمونځ وخت کې لوبې ودروي
۲۵/۹/۱۴۴۳
د زابل ولایت د خاک افغان ولسوالۍ محتسبینو د کرکت لوبغاړو ته توصیه وکړه، چې د لمونځ وخت کې دې لوبه ودروي او لمانځه ته دې لاړ شي.
دغو محتسبینو وویل: کله چې د الله اکبر غږ اوچتیږي، وزرشکاران باید لوبې پرېږدي او لمونځ ته لاړ شي، لوبغاړي باید داسې جامې د لوبو وخت کې واغوندي، چې عورت یې پکې معلوم نه شي.
له هغه ډول لباس اغوستو دې ځان وساتي چې عورت یې پکې ظاهریږي او یا هم غیر اسلامی او بی معنی شعارونه پرې لیکل شوې وي.
په دغو لیدنو کې لوبغاړو د محتسبینو د ښه تعامل څخه خوښي څرګنده کړه، او ژمنه یې وکړه، چې یادې توصيې به عملي کوي، ځکه چې د دغو توصیو په عملي کولو کې د دنیا او اخرت بریا ده.
