د امر بالمعروف وزارت مسلکي مرستیال د افغانستان د شیعه ګانو عالي کمیسیون پلاوي سره وکتل

fazli_admin
پنجشنبه ۱۴۰۴/۸/۸ - ۸:۵۱
This text will be used by screen readers, search engines, or when the image cannot be loaded.

د امر بالمعروف، نهې عن‌المنکر او شکایتونو اورېدلو وزارت مسلکي مرستیال شیخ نور محمد حقاني په شيعه مېشتو سیمو کې د ناوړه دودونو مخنیوي په اړه د عالیقدر امیرالمؤمنین حفظه الله وروستي فرمان او د یاد وزارت دعوتي او اصلاحي پروګرامونو د پلي کولو په برخه کې د همغږۍ په موخه په خپل کاري دفتر کې د افغانستان د شیعه ګانو عالي کمیسیون (۱۷) کسیزه پلاوي سره وکتل.

د امر بالمعروف، نهې عن‌المنکر او شکایتونو اورېدلو وزارت مسلکي مرستیال شیخ نورمحمد حقاني په خپلو خبرو کې راغلي پلاوي ته د ښه راغلاست ترڅنګ روښانه کړه چې د امر بالمعروف، نهې عن‌المنکر او شکایتونو اورېدلو وزارت د امکاناتو په حدودو کې د ټولو خلکو ستونزو ته پاملرنه کړې او د ټولنې په اصلاح کې یې هېڅ راز هڅې نه دي سپمولي.

ښاغلي شیخ صاحب همداراز وویل: هر مسلمان مکلف دی چې د شریعت مطابق ژوند وکړي او نور هم یادې چارې ته وهڅوي.

ښاغلي حقاني ټینګار وکړ چې د شریعت د تطبیق، د بدو رواجونو د مخنیوي او د اسلامي ارزښتونو د ترویج لپاره د ټولو اسلامي مذاهبو ګډ تفاهم او همکاري اړینه ده.  نوموړي همداراز له راغلي پلاوي د مننې ترڅنګ له هغوی وغوښتل ترڅو په دې اصلاحي بهیر کې له وزارت سره اوږه په اوږه کار وکړي.

ورپسې د شیعه ګانو د عالي کمیسیون رئیس استاد محمد علي اخلاقي وویل، چې د ټولنې د اصلاح په برخه کې د امر بالمعروف، نهې عن‌المنکر او شکایتونو اورېدلو وزارت له اصلاحي برنامو ملاتړ کوي.

هغه همداراز ډاډ ورکړ چې د خپلو دیني عالمانو او قومي مشرانو له لارې هڅه کوي ترڅو د ناوړه دودونو مخنیوي او د وزارت لارښوونو پلي کولو کې خلکو ته عامه پوهاوی ورکړي.

یاده دې وي چې د ناستې په اوږدو کې ګډونوالو هم خپل نظرونه او وړاندیزونه شریک کړل او ټینګار یې وکړ چې د شریعت خلاف دودونو مخنیوي کې به د یاد وزارت له مسؤولینو سره په ګډه کار کوي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS