د امر بالمعروف وزارت له لوري د کابل ښار محتسبینو او دیني عالمانو سره د همغږۍ ناسته وشوه

fazli_admin
پنجشنبه ۱۴۰۴/۶/۲۷ - ۱۰:۶
This text will be used by screen readers, search engines, or when the image cannot be loaded.

د امر بالمعروف، نهې عن‌المنکر او شکایتونو اورېدلو وزارت له لوري د یاد وزارت د غونډه په تالار کې د یاد وزارت وزیر شیخ محمد خالد الحنفي، د یاد وزارت مرستیالانو، د مرکزي څانګو یو شمېر رئیسانو په شتون کې له محتسبینو او ديني عالمانو سره د همغږۍ او احتساب چارو لا ښه ترسراوي په موخه ناسته وشوه.

په دې تړاو جوړې شوې غونډې ته د امر بالمعروف، نهې عن‌المنکر او شکایتونو اورېدلو وزارت وزیر شیخ محمد خالد الحنفي وویل: د ټولنې اصلاح، د شريعت تنفيذ او اسلامي ارزښتونو ساتنه د ټولو مسلمانانو ګډه دنده ده او په کار ده ترڅو په یاده برخه کې ټول په ګډه او همغږۍ ګام واخلو.

ښاغلي شیخ صاحب زیاته کړه، د انسان د پیدایښت حکمت او موخه د الله تعالی په ځمکه د هغه د احکامو پلي کول دي، چې یاده چاره د امر بالمعروف او نهې عن‌المنکر پرته نه شي ترسره کېدای.

شیخ صاحب همداراز محتسبینو ته په خطاب کې وویل: تاسو الله تعالی د اسلامي شريعت د تطبيق د لپاره غوره کړي یاست په خپلو چارو کې تقوا، تواضع، جرأت، ژمنتیا، اخلاص او ریښتینولي خپله او د الله تعالی رضا په پام کې ونیسئ.

بل خوا د غونډې ګډون والو د ناستې په جوړېدا خوښي وښوده او ورته ناستې یې د احتساب د چارو لاښه ترسراوي  کې ګټورې وبللې.

هغوی همداراز ډاډ ورکړ چې په یاده ناسته کې شوې سپارښتنې په بشپړه توګه په پام کې نيسي او د ټولنې اصلاح لپاره به له هېڅ راز هڅو ډډه ونه کړي.

یاده غونډه د یاد وزارت مسلکي مرستیال شیخ نور محمد حقاني په دعا پای ته ورسېده.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS