د امر بالمعروف وزارت سرپرست وزیر په افغانستان کې د اسلامي هېوادونو د همکاریو سازمان له ځانګړي استازي سره وکتل

fazli_admin
سه‌شنبه ۱۴۰۳/۱۱/۳۰ - ۱۳:۴۶
وزارت امربالمعروف

د امر بالمعروف، نهې عن‌المنکر او شکایتونو اورېدلو وزارت سرپرست وزیر شيخ محمد خالد الحنفي په افغانستان کې د اسلامي هیوادونو د همکاریو سازمان له ځانګړي استازي طارق علي بخیت، په افغانستان کې د اسلامي همکاریو د سازمان سفیر محمدسعید عبدالله آل عیاش او مل پلاوي سره د همغږۍ او د همکاریو پیاوړتیا په موخه په خپل کاري دفتر کې وکتل.

په پيل کې د امر بالمعروف، نهې عن المنکر او شکایتونو اورېدلو وزارت سرپرست وزیر شیخ محمد خالد الحنفي، راغلي پلاوي ته د ښه راغلاست او هرکلي ترڅنګ د امر بالمعروف، نهې عن‌المنکر او شکایتونو اورېدلو وزارت د کړنلارو او لاسته راوړنو په تړاو معلومات ورکړل.

ښاغلي شیخ صاحب زیاته کړه؛ د امر بالمعروف او نهې عن‌المنکر قانون د اسلامي اصولو په رڼا کې جوړ شوی دی او د ټولنې معنوي اړخونو پیاوړتیا لپاره یې پلي کول اړين دي.

شيخ صاحب همداراز د اسلامي همکاریو سازمان او امر بالمعروف، نهې عن المنکر او شکایتونو اورېدلو وزارت ترمنځ د اړیکو پر پیاوړتیا ټینګار وکړ او زیاته یې کړه چې یاد سازمان کولی شي چې د اسلامي نړۍ او افغانستان تر منځ د ښو اړیکو په برخه کې مثبت رول ولوبوي.

ورپسې په افغانستان کي د اسلامي همکاریو سازمان ځانګړي استازي طارق علي بخیت د ځیني نړیوالو رسنیو او ادرسونو له لوري د یاد وزارت پر وړاندې نیوکې له حقیقت څخه لرې وبللې او ویې ویل چې امر بالمعروف او نهې عن‌المنکر د اسلامي ټولنې اساسي اړتیا ده.

ښاغلي بخیت همداراز د یاد وزارت کړنې او لاس ته راوړنې وستايلې او ډاډ یې ورکړ چې د امر بالمعروف، نهې عن‌المنکر او شکایتونو اورېدلو وزارت سره بشپړه همکاري کوي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS