د امر بالمعروف وزارت د نظامي معینیت له لوري د ځینو نظامي ادارو له مسؤلینو سره اصلاحي ناستې تر سره شوې

fazli_admin
چهارشنبه ۱۴۰۴/۴/۲۵ - ۹:۲۳
mynyt_-_nzamy_pshtw.jpg

د امر بالمعروف، نهي عن المنکر او شکایتونو اورېدلو وزارت د نظامي معینیت اړوند د ازاله منکراتو ریاست او د علمي بورډ غړو په ګډه همکارۍ په پلازمېنه کابل کې د یو شمېر نظامي ارګانونو له مسؤلینو او منسوبینو سره د وزارت له لوري په نظامي برخه کې د شویو سپارښتنو د پلي کولو په موخه بېلا بېلې اصلاحي ناستې تر سره کړې.

په دغو بېلا بېلو اصلاحي ناستو کې د علمي بورډ غړو د دې ناستو موخه په نظامي ځایونو کې د معروفاتو اقامه، د منکراتو مخنیوی، د همغږۍ را منځته کول او د وزارت له لوري د شویو سپارښتنو پلي کول یاد کړل او له مسؤلینو یې وغوښتل، تر څو د شویو سپارښتنو پلي کولو ته ژمن پاتې شي.

دغه راز د علمي بورډ غړو له نظامي مسؤلینو وغوښتل چې له خلکو سره غوره چلند وکړي او شته ستونزو ته یې پر وخت رسېدنه وکړي.

د یادولو وړ ده، چې د امر بالمعروف وزارت اړوند د نظامي معینیت مسؤلین د پلازمېنې کابل په ګډون په ټولو ولایتونو کې د نظامي برخې له مسؤلینو سره اصلاحي ناستې تر سره کوي، چې ورسره په یاده برخه کې د معروفاتو په اقامې او د شته ستونزو په مخنیوي کې د پام وړ بدلون راغلی.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS