د امر بالمعروف، نهې عن‌المنکر او شکایتونو اورېدلو وزارت رهبري د کابل چهاردهي سيمې قومي مشرانو سره وکتل

fazli_admin
شنبه ۱۴۰۴/۱۱/۱۱ - ۱۳:۲۳
dydar_wzyr_sahb_ba_bashndgan_chhardhy-12_dlw-1404.jpeg

د امر بالمعروف، نهې عن‌المنکر او شکایتونو اورېدلو وزارت قدرمن وزیر شیخ الحديث محمد خالد الحنفي د یاد وزارت د ناستو په تالار کې د کابل ولایت اړوند چهاردهي سیمې یو شمېر قومي مشرانو، جهادي څېرو او ځوانانو سره وکتل.

د امر بالمعروف، نهې عن‌المنکر او شکایتونو اورېدلو وزارت قدرمن وزیر شیخ الحدیث محمد خالد الحنفي راغلي پلاوي ته د ښه راغلاست ترڅنګ وویل: یاد وزارت د خلکو د کور حیثیت لري او خلک کولای شي هر وخت پرته له کوم خنډ څخه خپلې ستونزې د یاد وزارت له مسؤولینو سره شريکې کړي‌.

ښاغلي شیخ صاحب همداراز روښانه کړه، چې اسلامي امارت د خلکو له منځه راټوکېدلي نظام دی او د همدې ولس لپاره د اسانتیاوو برابرلو او د هغوی د ستونزو حلولو ته ځان ژمن بولي.

ښاغلي الحنفي صاحب همداراز د راغلي پلاوي ستونزې واورېدلې او ټينګار یې وکړ، چې مسؤولین مکلف دي، د شته امکاناتو په کارولو سره د خلکو لپاره اسانتیاوې برابرې کړي او ستونزو ته یې پر وخت رسېدنه وکړي.

بل خوا د چهاردي سیمې قومي مشرانو په خپلو خبرو کې ډاډ څرګند کړ، چې د اسلامي امارت د مشرانو ترڅنګ ولاړ دي او د اسلامي امارت د مشرتابه له لوري د توشیح شویو فرمانونو پلي کولو او تر نورو رسولو ته ژمن دي.

هغوی همداراز وویل، چې د اسلامي شريعت پلي کېدل د افغانان ولس هیله او ارمان وو او اوس خوښ دي چې ټولې چارې یې د اسلامي شریعت سره سمې مخته ځي او خلک د اسلامي شريعت پلي کولو ته هڅول کېږي.

یاده دې وي چې د غونډې په اوږدو کې قومي مشرانو خپلې ستونزې د وزارت له رهبري سره شريکې کړې او د ښاغلي  شيخ صاحب له لوري ورته د بشپړ حل ډاډ ورکړل شو.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS