د امر بالمعروف، نهی عن المنکر او شکایتونو اورېدلو وزارت د روان ۱۴۰۵کال د جوزا میاشتې د کړنو او لاسته راوړنو راپور

fazli_admin
سه‌شنبه ۱۴۰۵/۴/۲ - ۱۰:۵۲
dstawrhay_mah_jwza_pshtw

د امر بالمعروف، نهې عن المنکر او شکایتونو اورېدلو وزارت مسؤلینو او منسوبینو د روان (۱۴۰۵) کال په جوزا میاشت کې په ټولنه کې د بدو او ناوړه دودونو د مخنیوي، د قومي، ژبني او کورنیو دښمنیو حل، د کوډګرو نیول، عامه ذهنیت د سمون، د مېرمنو د حقونو خوندیتوب او له سوداګرو سره اصلاحي ناستو کې ګڼ شمېر لاسته راوړنې درلودلې دي.

 د مېرمنو حقونو ته رسېدنه:

د امربالمعروف، نهی عن المنکر او شکایتونو اورېدلو وزارت محتسبینو د هېواد په کچه د مېرمنو د حقونو ته د رسېدنې په برخه کې (۴۵۰) بېلا بېلو قضیو ته رسېدنه کړې، چې په یادو قضیو کې (۷۱) د میراث (۴۰) د ولور، (۲۱۶) د کورني تاوتریخوالي، (۴۵) د اجباري نکاح ګانو، (۲۹) د نفقې ورکړې، (۲۷) مېرمنو ته د شرعي نکاح زمینه برابره شوې، او(۲۲) د طلاق قضیې حل شوې دې.

د کوډګرو نیول:

د امربالمعروف، نهې عن المنکر او شکایتونو اورېدلو وزارت محتسبینو په ټولنه کې د خرافاتي کړنو د مخنیوي او د یوې سالمې اسلامي ټولنې د رامنځته کولو په موخه په جوزا میاشت کې د هېواد په یو شمېر ولایتونو (۴۵) کوډګر نیولي او د شرعي پرېکړې په موخه یې اړوندو ارګانونو ته سپارلي دي.

 له سوداګرو او هټۍ والو سره اصلاحي ناستې:

 محتسبینو د هېواد په ټولو ولایتونو کې د یو سالم اقتصادي نظام د رامنځته کولو، نرخونو کنټرول، تاریخ تېرو موادو له منځه وړلو، سود، احتکار او په ترازو کې د خیانت کولو د مخنیوي او د با کیفیته موادو بازار ته د وړاندې کولو په موخه له سوداګرو او هټۍوالو سره (۶۵۴) اصلاحي ناستې کړې دي.

 د خپلمنځي، قومي او ژبنیو دښمنیو حل:

محتسبینو په ټولنه کې د قومي او ژبني تعصباتو د مخنیوي او د یووالي روحیې د پياوړې کولو لپاره د هېواد په کچه (۵۵)  لویې دښمنۍ او (۲۴۳) وړې شخړې حل کړې دي.

له قومي مخورو، ځوانانو او عامو خلکو سره اصلاحي ناستې:

وروستی خبر دا، چې محتسبینو د روان ۱۴۰۵ کال په جوزا میاشت کې د هېواد په ټولو ولایتونو کې له قومي مخورو، دیني عالمانو او ځوانانو سره د اسلامي کلتور د عامولو، ناوړه دودونو د مخنیوي، عامه ذهنیت د سمون او د اسلامي ارزښتونود  ساتنې په موخه نیږدې (۱۳۷۶)  بېلا بېلي اصلاحي ناستې کړې دي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS