د امربالمعروف وزارت له لوري د تېلو پمپونو اتحادیې له غړو سره د همغږۍ ناسته تر سره شوه

fazli_admin
شنبه ۱۴۰۴/۳/۳۱ - ۱۶:۷
bnr_4.jpg

د امربالمعروف، نهې عن المنکر او شکایتونو اورېدلو وزارت له لوري د پلازمېنې کابل ښار  د تېلو پمپونو اتحادیې له مسؤلینو سره په پمپونو کې د مساجدو جوړولو، په وړ قېمت د تېلو پلورلو او په دې برخه کې د وزارت له لوري د شویو سپارښتنو د پلي کولو او یاده برخه کې د شته ستونزو د حل په موخه د دې وزارت د غونډو په تالار کې ناسته تر سره کړه.

 

 د ناستې ګډون والو ته د امربالمعروف وزارت نظامي مرستیال شیخ سعید احمد شهیدخېل د ښه راغلاست تر څنګ وویل، رسول الله صلی الله علیه وسلم مدینې منورې ته له هجرت وروسته په هغه ځای کې د مسجد بنسټ کېښود تر څو خلک د الله جل جلاله عبادت وکړي او ورځنۍ کړنې له الهي قوانینو سره سمې تر سره کړي، نو په همدې اساس مو له تاسې غوښتنه ده چې د پلازمېنې کابل په ګډون په ټولو ولایتونو کې د تېلو په پمپونو کې مسجدونه جوړ شي.

شیخ صاحب شهید خېل د دې اتحادیې غړو ته په خبرو کې وویل: د تېلو پمپونو مسؤلین باید د تېلو په لوړه بیه له خرڅولو، د تېلو لېتر کې له کم والي او په دې برخه کې له انحصارولو څخه ډډه وکړي تر څو په سوداګریزه برخه کې الهي قوانین تطبیق او د شته منکراتو مخه ونیول شي.

دغه راز د ناستې په پای کې د تېلو پمپونو اتحادیې غړو د امربالمعروف وزارت له لوري شوې سپارښتنې پلي کول خپل الهي او هېوادنی مسؤلیت یاد کړ او د داسې ناستو جوړول یې د اسلامي نظام او سوداګرو ترمنځ د همغږۍ غوره لار وبلله او زیاته یې کړه چې د وزارت له لوري شوې سپارښتنې به په پوره توګه پلې کوي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS