د امربالمعروف، نهی عن المنکر او شکایتونو اورېدلو وزارت محترم وزیر شمال ولایتونو ته سفر وکړ

fazli_admin
یکشنبه ۱۴۰۵/۴/۱۴ - ۱۵:۴۳

د امربالمعروف، نهی عن المنکر او شکایتونو اورېدلو وزارت محترم وزیر، شیخ الحدیث الحاج محمد خالد الحنفي، شمال ولایتونو ته د خپل رسمي سفر په ترڅ کې د کندوز ولایت په مرکز کې د بدخشان، تخار، بغلان او کندوز ولایتونو له مشایخو علماء کرامو، قومي مخورو، متنفذینو او مسؤلینو سره د امربالمعروف، نهی عن المنکر د شرعي قانون د تطبیق، د منکراتو د مخنیوي او د معروفاتو د اقامې په اړه د همغږۍ غونډه ترسره کړه.

 محترم وزیرصاحب د غونډې ګډونوالو ته په خپلو خبرو کې وویل چې د اسلامي نظام د بریا او پیاوړتیا راز په وحدت کې نغښتی دی، او حقیقي وحدت د الله تعالی د دین په نفاذ او اطاعت سره رامنځته کېږي. نوموړي زیاته کړه چې ټول مسلمانان مکلف دي د وحدت او اطاعت فضا وساتي، دامربالمعروف نهی عن المنکر شرعي قانون تطبیق لپاره خپل مسولیت اداکړی او د اسلامي نظام د پیاوړتیا لپاره ګډ کار وکړي.

 شیخ صاحب همداراز وویل چې د الله تعالی د دین رسول د ټولو ګډ مسؤولیت دی، او که خدای مه کړه زمونږ یو وګړی هم په داسې حال کې له نړۍ ولاړ شي چې د دین له احکامو ناخبره وي، نو د الله تعالی پر وړاندې به موږ د خپل مسؤولیت په اړه ځواب ویونکي یو، ځکه چې ددین او شریعت د بشپړه تطبیق لپاره اللهﷻ اوس تاسو ته هره اسانتیا برابره کړي.

 د غونډي ګډونوالو علماء کرامو قومي مخورو او مسولینو د امربالمعروف، نهی عن المنکر د شرعي قانون د بشپړ تطبیق برخه کې د وزارت سره د هرقسم همکاری ډاډ څرګند کړ او د یاد وزارت د فعالیتونو او لاسته راوړنو ستاینه یې وکړه او یاد وزارت یې د ټولنې د اصلاح او سمون لپاره تر ټولو مهم او ضرور وباله د یادونې وړ ده چې د محترم شیخ صاحب دغه سفر به، د تېر په څېر، د هېواد نورو ولایتونو ته هم وغځېږي.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS