خوست کې محتسبینو د رسنیو له مسؤلینو سره د همغږۍ په موخه ناسته تر سره کړه 

fazli_admin
سه‌شنبه ۱۴۰۴/۲/۹ - ۹:۲۳
This text will be used by screen readers, search engines, or when the image cannot be loaded.

د امربالمعروف، نهې عن المنکر او شکایتونو اورېدلو وزارت اړوند د خوست ولایت محتسبینو په دې ولایت کې د یو شمېر رسنیو له مسؤولینو سره د همغږۍ په موخه په جوړه شوې ناسته کې وویل، د عامه ذهنیت جوړونه، د ټولنې اصلاح او د دیني ارزښتونو ساتنه زموږ او ستاسې ګډ مسؤولیت دی، چې باید تر سره یې کړو.
ناستې ته د یاد ولایت د امربالمعروف رئیس شیخ شریف الدین نقره کار په ټولنه کې د رسنیو اهمیت ته په اشارې وویل، رسنۍ په ټولنه کې د منبر او محراب حیثیت لري، ولسونه هغه څه مني او تکراروي چې د رسنیو له لوري تر هغوی پوري رسول کېږي نو په همدې اساس رسنۍ باید د ټولنې د اصلاح په برخه کې کار وکړي او د هغه څه له خپرولو ډډه وکړي چې له اسلامي اصولو سره په ټکر او د پردي کلتور د خپرولو هڅه پکې شوې وي.
دغه راز د رسنیو مسؤولینو په دې ولایت کې له رسنیو سره د محتسبینو همکاري وستایله او له اسلامي ارزښتونو دفاع او ساتنه یې خپل لومړیتوب یاد کړ.
دا په داسې حال کې ده، چې په دې ولایت کې د امربالمعروف، نهې عن المنکر او شکایتونو اورېدلو وزارت محتسبین، د عالیقدر امیر المؤمنین حفظه الله د فرمانونو پر اساس، د بېلا بېلو برخو له مسؤولینو سره اصلاحي ناستې تر سره کوي چې ور سره په ټولنه کې د معروفاتو په اقامه او د منکراتو په مخنیوي کې د پام وړ بدلون راغلی.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS