بغلان کې (۲۰۰) محتسبینو خپل یو ورځنی معاش کنړ کې زلزله ځپلو ته ځانګړی کړ

fazli_admin
یکشنبه ۱۴۰۴/۶/۱۶ - ۸:۳۵
kmk_mhtsbyn_bghlan_bh_asyb_zdgan_zlzlh.jpg

د بغلان ولایت د امر بالمعروف، نهی عن المنکر او شکایتونو اورېدلو ریاست (۲۰۰) تنو محتسبینو خپل یو ورځنی معاش د هېواد په کونړ ولایت کې له زلزله ځپلو سره د مرستې او اسلامي ورورولۍ په موخه ځانګړی کړ.

په دې تړاو د امر بالمعروف، نهی عن المنکر او شکایتونو اورېدلو وزارت ویاند مولوي سیف الاسلام خیبر وایي: له دې کاره یې موخه له زلزله ځپلو سره اسلامي همدردي او د امر بالمعروف او نهی عن المنکر شرعي مسؤلیت ادا کول دي.

بلخوا د یاد ولایت ځایي اوسېدونکي د محتسبینو دا کړنه ستایي او زیاتوي چې داسې کړنې په ټولنه کې د اسلامي همکارۍ او له مسلمانانو سره د مرستې احساس ژوندی ساتي او ژمنه کوي، چې په ټولنه کې د ټولو منکراتو په مخنیوي او د معروفاتو په اقامه کې د محتسبینو تر څنګ ولاړ دي.

د یادولو وړ ده، چې تر دې وړاندې هم د کنړ او ننګر هار ولایتونو محتسبینو په کنړ ولایت کې له زلزله ځپلو سره د مرستې او خپل دیني مسؤلیت له مخې په زلزله کې زیات شمېر ژوبل شوي نارینه او ښځینه د ننګرهار مرکزي روغتون ته د درملنې په موخه انتقال کړي دي او د وزارت رهبرۍ له زلزله ځپلو سره د لا زیاتې همکارۍ ژمنه کړې ده.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS