امر بالمعروف، نهي عن المنکر او شکایتونو اورېدلو وزارت په اونۍ کې

fazli_admin
پنجشنبه ۱۴۰۵/۵/۲۲ - ۱۰:۵۰
ph_awny_k

د کابل د محتسبینو او د امارتي ادارو د دعوت او ارشاد مسؤلینو لپاره د یو ورځني عملي سیمینار جوړول

د امر بالمعروف، نهي عن المنکر او شکایتونو اورېدلو وزارت د دعوت او ارشاد چارو د لا ښه والي په موخه، د کابل د محتسبینو او د دعوت او ارشاد مسؤلینو لپاره یو ورځني سیمینارونه جوړ کړل.

شیخ الحدیث مولوي محمد خالد حنفي په دغو سیمینارونو کې د شریعت د احکامو د تطبیق لپاره د شته فرصت څخه پر سمې ګټې اخیستنې او د مسؤلیتونو د حکیمانه او اصلاحي طریقې له مخې پر ترسره کولو ټینګار وکړ.

د مېرمنو حقونو ته رسېدنه:

د امربالمعروف وزارت محتسبینو په دې اونۍ کې د مېرمنو د حقونو اړوند (۱۰۹) بېلابېلې قضیې حل کړې دي، چې له جملې یې (۴۶) د کورني تاوتریخوالي، (۱۴) د میراث، (۲۰) د غیر شرعي نکاح ګانو،(۹) د ولور، (۶) د نفقې ورکړې، (۸) مېرمنو ته د شرعي نکاح زمینه برابرولو او (۶) د طلاق قضیې حل شوې دي.

د قومي دښمنیو حل:

د دې وزارت مسؤولینو په ټولنه کې د قومي او ژبني تعصباتو د مخنیوي او د یووالي روحیې د پياوړې کولو لپاره  په ځینو ولایتونو کې (۱۶)  لویې دښمنۍ او (۶۸) وړې شخړې حل کړې دي.

د کوډګرو نیول:

دغه راز محتسبینو د ناوړه دودونو د مخنیوي، ټولنیز عدالت د تأمین او د خرافاتو د مخنیوي په موخه په بلخ،پغلان،پروان، تخار، ننګرهار، کابل او جوزجان ولایتونو کې (۱۵) کوډګر نیولي او د شرعي پرېکړې په موخه یې، عدلي او قضایي ارګانونو ته ور پېژندلي دي.

له سوداګرو سره ناستې:

  محتسبینو په بازارونو کې د سود، احتکار، ترازو کې د کموالي، د تاریخ تېر او بې کیفیته موادو د خرڅلاو د مخنیوي په موخه له سوداګرو او هټۍوالو سره (۲۱۰) اصلاحي ناستې کړې دې.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS