کندهار کې (۲۸) کلن کس ته د ودېدونکې اته کلنې نجلۍ د غیر شرعي نکاح مخه ونیول شوه  

fazli_admin
شنبه ۱۴۰۵/۳/۳۰ - ۱۶:۱۰
dr_kndhar_yk_dkhtr_8_salh_bh_dadn_mrd_28_salh_jlwgyry_shwd.jpg

 د کند هار ولایت د امر بالمعروف مسؤلینو د مېرمنو حقونو ته په ژمنیتا او په دې برخه کې د ناوړه کړنو د مخنیوي په موخه په ژړۍ ولسوالۍ کې  د اته کلنې ماشومې د غیر شرعي نکاح مخه ونیوله، چې د کورنۍ غړو یې غوښتل یوه ۲۸کلن کس ته یې د زیاتو پیسو په بدل کې د هغې له خوښې پرته په نکاح کړي.

یاده نجلۍ، چې د ناوړه دودونو او زیاتو پیسو په بدل کې د هغې له خوښې پرته د زیات عمر لرونکي کس ته په نکاح ورکول کېده د محتسبینو له لوري یې مخه ونیول شوه او د یادې نجلۍ د کورنۍ له غړو یې وغوښتل چې په راتلونکي کې د داسې ناوړه کړنو له کولو  ډډه وکړي.
 
بل خوا ځایي اوسېدونکي په ټولنه کې د معروفاتو اقامې، منکراتو مخنیوي او د مېرمنو له شرعي حقونو دفاع او ورکړې په برخه کې د محتسبینو کړنې ستایي او ډاډ څرګندوي چې له دې سره به په ټولنه کې د زیاتو ناوړه دودونو او غیر شرعي کړنو مخه ونیول شي.
   
دا په داسې حال کې ده، چې د امر بالمعروف، نهې عن المنکر او شکایتونو اورېدلو وزارت محتسبینو د هېواد په ډېری ولایتونو کې د مېرمنو د حقونو اړوند نا خوښه ودونې، کورني بند خونو، کورني تاوتریخوالي، ولور او میراث سلګونه قضیې حل کړې دي او په دې پار یې کړنې لا هم دوام لري.

تازه خبرونه

دوشنبه ۱۴۰۵/۸/۲۵ - ۹:۰
Background image

محتسبینو په اوو ولایتونو کې ۳۱ دښمنۍ او شخړې حل کړې

محتسبینو په سرپل، نورستان، جوزجان، بامیان، میدان وردګ، تخار او نیمروز ولایتونو کې د قومي او ژبني تعصباتو د له منځه وړلو او ټولنیز ثبات په موخه د کورنیو تر منځ د قتل، مېرمنو حقونو،. . .

دوشنبه ۱۴۰۵/۸/۲۵ - ۸:۴۷
Background image

هرات کې محتسبینو له ځایي مسؤلینو، دیني عالمانو او قومي مخورو سره  د ناوړه دودونو د مخنیوي او ګډې همکارۍ په موخه ناستې وکړې

 د هرات ولایت محتسبینو د ځایي مسؤلینو په ګډون له دیني عالمانو او قومي مخورو  سره  د امر بالمعروف وزارت د قانون د لا ښه تنفیذ او په ټولنه کې د ناوړه دودونو د مخنیوي او همغږۍ په موخه. . .

یکشنبه ۱۴۰۵/۸/۲۴ - ۸:۵۱
Background image

غزني کې یوه مېرمن له غیر شرعي نکاح څخه وژغورل شوه

 غزني کې محتسبینو د خپلو ورځنیو کړنو پر دوام او د امیرالمؤمنین حفظه الله د فرمان له مخې په دې ولایت کې یوه کونډه، چې خسرګنۍ یې غوښتل د هغې له خوښې پرته یې یوه کس ته په زور نکاح کړي چې د. . .

BACK TO NEWS