ننګرهار کې د محتسبینو په هڅو له ۵ کلنې شخړې وروسته جومات بېرته د عبادت لپاره پرانیستل شو
د ننګرهار ولایت امربالمعروف، نهی عن المنکر او شکایتونو اورېدلو ریاست اړوند د دره نور ولسوالۍ د محتسبینو په هڅو د دوو قومونو تر منځ د مسجد پر سر راپورته شوې هغه اوږد مهاله شخړه حل شوه، چې له امله یې د سیمې یو جومات د تېرو پنځو کلونو راهیسې تړل شوی وو.
جومات چې د مسلمانانو د عبادت او یووالي مهم مرکز بلل کېږي، د اختلافاتو له کبله تر اوږدې مودې پورې د لمانځه او نورو دیني مراسمو پر مخ تړل شوی وو، چې بېرته د محتسبینو په هڅو د قومونو تر منځ را پورته شوې شخړه حل او مسجد د لمونځ کوونکو پر مخ پرانیستل شو.
د یادولو وړ ده، چې په دې ولایت کې محتسبینو تر دې وړاندې هم د قومونو او کورنیو تر منځ را پورته شوې بېلا بېلې دښمنۍ او شخړې حل کړې او په دې پار یې کړنې لا هم دوام لري.
