نظامیانو ته د امربالمروف وزارت سپارښتنه؛ د شهیدانو دوینو په خاطر له خلکو سره نیک چلند وکړئ
۱۳۴۳/۹/۲۱
د امربالمعروف وزارت د ازاله منکراتو رئيس مولوي محمد حامد د ریشخور لېوا څخه د لیدو پر مهال د دې لېوا مجاهدينو او نظامي مسؤلینو ته وویل: ((د شهیدانو د وینو په خاطر له خلکو سره نېک چلند وکړئ)). داسې عمل ونه کړئ چې د شهیدانو له وینو سره خیانت وي او له ټولو نظامیانو يې وغوښتل چې په پوره اخلاص او ایماندارۍ سره خپلې دندې پر مخ يوسي.
مولوي محمد حامد د یادې لېوا مسؤلینو سره په لیدن کې وویل د خلکو د سر او مال او همدارنګه د هیواد سرحدونو ساتل ستاسو زړورو او پامو مجاهدینو مسؤلیت، په خپلو ژمنو عمل وکړئ او هېڅکله داسې عمل ونکړئ چې د شهیدانو له وینو سره خیانت وي.
نوموړي همدارنګه وویل: هڅه وکړئ چې خپله دنده په پوره ایماندرۍ او اخلاص سره ترسره کړئ: (( له خلکو سره غوره اونېک چلند وکړئ او هڅه وکړئ چې د خلکو زړونه خپل کړئ او پر زړونو يې حکومت وکړئ.)) او زیاته يې کړه هېڅکله هم د ا.ا. له نوم څخه ناوړه استفاده ونه کړئ.
یاده دې وي چې په دې لیدنه کې د ریشخور لېوا قومندان مولوي امین الله امین او د همدې لېوا درستیزوال محمد نواب مبارز هم د ازاله منکراتو رئيس ملتیا کوله.
