د قدر شپې عبادت ثواب د زر میاشتو د عبادت د هومره دی
سه شنبه، رمضان ۲۵، ۱۴۴۳
د لو ګر ولایت د برکی برک ولسوالۍ د امر بالمعروف نهی عن المنکر او شکایتونو اورېدو امریت محتسبینو د برکی راجان د حوزې اړوند د نجم الدین کلا سیمې په جومات کې د قران کریم د ختم په مورِد رابلل شوې ناسته کې ګډون درلود.
ناستې ته سید عمر عمري د لیلة القدر، اعتکاف، او دحجاب اړوند ، په اسلامي لباس او نورو مهیمو موصوعاتو مفصلي خبرې وکړې.
چې په یاده ناسته کې د سیمې علماو، شیخو سربېره ډېری ځوانانو او باسواد طبقې ګډون درلود. نوموړي ګډون والو ته د روژې د میاشتې د فضایلو دبیان په حالت کې د قران کریم ددې ایت په مصداق خبره وکړه چې ( انا انزلنا ه فې لیلة القدر) چې خدا ج په دې میاشت کې قران کریم نازل کړی او په دغه میاشت کې د لیلة القدر شپه هم ده چې دیوې شپې ثواب یې د نورو عادي ورځو او شپو په نسبت د زرو کالو په اندازه زیات دی.
نوموړي په همدې تړاو زیاته کړه چې زموږ له پاره دا ښه خبره نه ده چې خالي د روژې عابدان یو او په نورو وختونو کې رانه فرض لمنځونه هم پاته وي چې په خبره یې خدای ج له موږ نه پوره بندګي غواړي داسې نه کېږې چې کله مو خوښه شي عبادت کو کنه نو نه یې کو.
همدا راز نو موړي د لیلة القدر د شپې په فضایلو کې وویل.: د انسانانود پلار ماده او عنصر په همدې شپه کې پیدا شوي او همدا رنګه د ملایکو تخلیق او پیدایښت په همدې شپه شوی دی.او همدا رنګه د جنتونو ونې په همدې شپه ایښودل شوې دي .
همدا راز یې له ګډون والو وغوښتل چې سیرت او صورت مو باید په اسلامي طریقه وي ځکه د یوې اسلامي خاورې او سېدونکې له پاره دا نه ښایې چې په پردي فکر او کلتور سمبال وي. او همدا راز یې له ګډون والو وغوښتل چې د نظام ملاتړ وکړي چې هغوی ورته د هر ډول مرستې ډاډ ورکړ.
دا په داسې حال کې د چې د هیواد په ډېری سیمو کې د امر بالمعروف وزارت روزنیزي لیدنې سر ته رسېدلې او په ځینو کې لاهم روانې دي چې هر ځل د خلکو له درانه هرکلي سره مخ کېږي.
