د امر بالمعروف وزارت سرپرست وزیر د اسلامي همکارۍ سازمان له مرستیال او د افغانستان لپاره ځانګړي استازي، ښاغلي طارق علي بخيت سره ناسته ترسره کړه

org_admin
شنبه ۱۴۰۳/۲/۱ - ۱۵:۱۳

په دې ناسته کې په افغانستان کې د اسلامي قوانینو د ټينګښت، اقتصادي پياوړتيا، نشه یې موادو پر وړاندې مبارزې، د اسلامي نړۍ له هېوادونو سره د افغانستان د اړيکو، د ښځو د اسلامي حقونو او نورو موضوعاتو په تړاو خبرې وشوې.

د امر بالمعروف، نهې عن المنکر او شکایتونو اورېدلو وزارت سرپرست وزیر شیخ محمد خالد الحنفي د اسلامي همکاریو سازمان له غړو هېوادونو سره اړيکو ته په اشارې وويل، چې د افغانستان اسلامي امارت د اسلامي هېوادونو سره په دیني، فرهنګي، سياسي، اقتصادي او تعليمي ډګرونو کې د اړيکو پياوړتيا او د اسلامي مشترکو ګټو د تحقق او ګډو ننګونو ته د حل لارې موندلو په پار رغنده تعامل ته ځانګړی ارزښت ورکوي.

دغه راز ښاغلي حنفي صاحب د ښځو د حقونو په تړاو وویل: اسلامي امارت د ښځو مشروع حقونو ته ژمن دی او هېڅ چاته به اجازه ور نه کړي چې د ښځو حقوق تر پښو لاندې کړي. همدا راز یې د خپلو خبرو په دوام زیاته کړه: مونږ په تېرو درېیو کلونو کې د زرګونو مېرمنو میراث آخیستی او ورته مو تسلیم کړی دی او دغه راز مو د ښځو په بدو کې د ورکولو ناوړه دود چې ښځې به په بدو کې ورکول کېدې په بشپړ ډول له منځه وړی دی.

د اسلامي همکاریو سازمان مرستیال او د افغانستان لپاره ځانګړي استازي، ښاغلي طارق علي بخيت او د هیئت نورو غړو د اسلامي نړۍ د علماوو هیئت ‏د ښه کوربتوب له کبله د اسلامي امارت او په ځانکړې توګه د امربالمعروف، نهې عن المنکر او شکایتونو اورېدلو وزارت څخه مننه وکړه او زياته يې کړه چې د اسلامي همکاريو سازمان له اسلامي امارت سره پر مثبت تعامل باور لري او په بېلابېلو برخو کې به د افغانستان ملاتړ ته دوام ورکړي.

دغه راز ښاغلي بخیت زیاته کړه، چې د امربالمعروف، نهې عن المنکر او شکایتونو اورېدلو وزارت هڅې د منکراتو د مخنیوي په برخه کې د ستایلو وړ دي.

نوموړي په افغانستان کې دیني مدارسو ته د اسلامي امارت او په ځانګړې توګه د امربالمعروف وزارت پاملرنه د ستایلو وړ وبلله.

د هیئت غړو زیاته کړه، چې په راتګ سره یې ټولې هغه اندېښنې له منځه ولاړې چې د ښځو د حقونو په تړاو یې درلودې، چې ګنې اسلامي امارت د ښځو حقوق تر پښو لاندې کړي او همدارنګه د رسنیو له لوري د ښځو د حقونو په تړاو نشرېدونکې ډنډورې یې ناسمې او بې بنسټه وبللې.

په پای کې راغلي هیئت ژمنه وکړه چې نړۍ ته به د اسلامي امارت خصوصا د امربالمعروف وزارت رښتینی انځور وړاندې کوي او ټول هغه منفي تبلیغات به ردوي چې نړۍ یې د اسلامي امارت پر وړاندې لري.

تازه خبرونه

پنجشنبه ۱۴۰۳/۱۲/۲۳ - ۹:۳۳
Background image

ننګرهار کې محتسبینو(۵۰۶۰) کیلو ګرامه تاریخ تېر خوارکي توکي له منځه وړي دي

ننګرهار کې محتسبینو د ځایي مسؤولینو په همغږۍ د مرکز جلال‌ آباد او ولسوالیو په بازارونو کې د تاریخ تېرو خوارکي او غیر خوارکي توکو د له منځه وړلو په موخه له بازارونو څخه(۵۰۶۰)کیلو ګرامه. . .

چهارشنبه ۱۴۰۳/۱۲/۲۲ - ۱۰:۴۸
Background image

محتسبینو په زرګونو کیلو ګرامه تاریخ تېر خوراکي او غيرخوراکي توکي راټول کړي دي. 

د هرات، بادغېس، خوست، بلخ، پروان او سمنګان ولایتونو محتسبینو د ځایي مسؤولینو په همغږۍ په بازارونو کې د نرخونو د کنټرول، احتکار، د سودي راکړې ورکړې د مخنیوي او د تاریخ تېر خوراکي او غیر. . .

چهارشنبه ۱۴۰۳/۱۲/۲۲ - ۱۰:۴۶
Background image

زابل کې محتسبینو زیاته اندازه تاریخ تېر خوراکي او غیر خوراکي توکي له منځه وړي دي 

زابل کې محتسبینو د مرکز قلات په ګډون په یو شمېر ولسوالیو کې په زیاته اندازه تاریخ تېر خوراکي او غیر خوراکي توکي راټول او هدر کړي دي.
ورته مهال محتسبینو له ځینو سوداګرو سره په اصلاحي. . .

BACK TO NEWS