ننګرهار؛ محتسبینو هغه کوډګر نیولی چې په انلاین بڼه یې کوډې کولې او د محرمو عکسو په خپرولو یې خلک ګواښل
ننګرهار کې محتسبینو هغه کوډګر چې په انلاین بڼه یې د کوډو او سحر غیر شرعي کړنې کولې او د کورنیو محرمو عکسونو ترلاسه کولو او بیا د هغو په وسیله د ګواښلو او پیسو اخیستلو په جرم نیولی دی.
محتسبین یې په تړاو وایي: یاد کس چې په انلاین بڼه یې د کوډو ناوړه کړنې تر سره کولې او د محرمو عکسونو په پیدا کولو یې خلک ګواښل او له هغوی څخه یې د پیسو تر څنګ ناوړه غوښتنې کولې نیول شوی چې د لا نورو څېړنو په موخه به عدلي او قضایي ارګانونو ته ور وپېژندل شي.
محتسبین زیاتوي چې نیول شوي کوډګر تر دې وړاندې هم له یوې ښځې څخه د کوډو کولو په نوم ۱۰ زره افغانۍ اخیستې وې او وروسته یې د ۲۵ زره نورو افغانیو غوښتنه کړې وه چې د محتسبینو له لوري ونیول شو.
