مولوي سعید احمد شهید خېل د امربالمعروف وزارت نظامي معین وټاکل شو

org_admin
دوشنبه ۱۴۰۲/۵/۹ - ۱۵:۱۶

د امیر المؤمنین الشیخ هبة الله حفظه الله د حکم پر اساس د پوهنې وزارت مخکنی مالي او اداري معین مولوي سعید احمد شهید خېل د امربالمعروف وزارت د نظامي معین په توګه ګمارل شوی و.

د امربالمعروف وزارت د غونډو په تالار کې په دې پار جوړه شوې ناسته چې پکې د یاد وزارت د سر پرست وزیر شیخ محمد خالد الحنفي په شمول د چارو ادارې لوی رئیس شیخ نورالحق او د وزارت ګڼو مسؤلینو پکې شتون درلود نن ورځ دو شنبه رسما د وزارت کارمندانو ته ور وپېژندل شو.

یاده ناسته کې د امر بالمعروف نهی عن المنکر او شکایتونو اوریدلو وزارت سر پرست شیخ محمد خالد الحنفي پخپلو خبرو کې لومړی راغلو میلمنو ته ښه راغلاست وویل او

بیا یې نظامي معینیت ته په اشارې و ویل چې مونږ باید لومړی خپلو د نظام خلکو ته متوجه شو او د دوی په جوړښت کار وکړو، د امیرالمؤمنین فرامین پرې عملي کړو ځکه د نظام جوړښت  د خلکو جوړښت دی.

هغه زیاته کړه چې د نړۍ اسلامي هیوادونه زموږ کړنو ته متوجه دي، موږ باید د داسې کړنو له تر سره کولو ډډه وکړو چې له ټاکل شوې پالیسي سره په ټکر کې وي.

همدا راز ناستې ته شیخ نورالحق پخپلو خبرو کې  وویل: په نړۍ کې د اسلامي هیوادونو په شمول پخپلو نظامونو کې د اقتصاد، صحت او  ملي ارزښتونو د تحفظ له پاره پخپل ساختار کې ادارې لري؛ خود معنویاتو او اخلاقو د ساتنې له پاره یو ټاکل شوی سیستم شتون نه لري چې یوازي دا امتیاز اسلامي امارت لري چې د امربالمعروف وزارت په وسیله خلک پر نېکیو امر کوي او خلک له بدیو ژغوري.

دغه راز ناستې ته د امربالمعروف وزارت نوي ټاکل شوي نظامي معین مولوي سعید احمد شهید خېل وویل، په ټولنه کې د مسلمانانو لومړنۍ دنده خلک نېکیو ته را بلل او له منکراتو ژغورل دي.

هغه د قرآن کریم د ایاتونو پر مصداق وویل(دا د الله جل جلاله غوښتنه ده چې په انسانانو کې باید داسې ټولی شتون ولري چې پر نېکیو امر وکړي او خلک له بدیو را وګرځوي).

نوموړي وړاندې وویل، موږ هڅه کوو چې په را سپارل شوو مسؤلیتونو کې د مشرانو اطاعت وکړو او هیواد والو ته ريښتونی خدمت وړاندې کړو.

تازه خبرونه

چهارشنبه ۱۴۰۴/۳/۲۸ - ۸:۲۷
Background image

د میدان وردګ ولایت محتسبینو یو تن ماهر کوډګر د ګڼ شمېر سحري کتابونو او وسایلو سره یو ځای نیولی دی 

 د میدان وردګ ولایت محتسبینو د سیمې د امنیتي ځواکونو په همغږۍ د ځایي اوسېدونکو له شکایت وروسته یو تن ماهر کوډګر د ګڼ شمېر سحري کتابونو او غیر شرعي تعویذونو سره یوځای نیولی او د شرعي. . .

سه‌شنبه ۱۴۰۴/۳/۲۷ - ۸:۳۷
Background image

میدان وردګو کې محتسبینو یوه مېرمن له اوږد مهاله کورني تاوتریخوالي وژغورله

د امربالمعروف، نهې عن المنکر او شکایتونو اورېدلو وزارت اړوند د میدان وردګ ولایت محتسبینو د دې وزارت له لوري د مېرمنو د حقونو د ورکړې او ساتنې په موخه، د نوي توشیح شوي قانون له مخې یوه. . .

یکشنبه ۱۴۰۴/۳/۲۵ - ۸:۲۱
Background image

محتسبینو د غزني په ګیرو او زنه خان ولسوالیو کې (۴) مېرمنې له کورني تاوتریخوالي څخه وژغورلې


د امربالمعروف، نهې عن المنکر او شکایتونو اورېدلو وزارت اړوند د غزني ولایت محتسبینو د دې ولایت په ګیرو او زنه خان ولسوالیو کې څلور مېرمنې، چې له خپلو ټولو شرعي او انساني حقونو څخه بې. . .

BACK TO NEWS